Îqtîdarê AKPyî mîtîngê 1ê Gulane Roja Kedkaran ya Cihanî Wan û Cizîrî de qedexe kerd
Sendika, komel û partîyanê sîyasîyan plan kerdêne ke Roşanê Karker û Kedkaran ê 1ê Gulane Parkê Mûsa Anterî de pîroz bikerê. Labelê Walîtîya Wanî, pîrozkerdişo ke amebi plankerdene do roja Çarşemeyî bêro viraştene qedexe kerd.
Walîtîye tayê zî aver şîye û vat ke mabênê tarîxanê 29 Nîsane – 8 Gulane de ke 10 rojî gêno xo mîyan, zereyê sînoranê şaristanî de rayraşîyayîş, kombîyayîş, eşkerayîya çapemenîye, çalakîya roniştişî, akerdişê standî û çalakîyê winayênî zî tede her tewir çalakî û aktîvîteyî qedexe yê. Eşkerayîye de ame îdîakerdene beno ke çalakîyê ke zirar bidê ‘aşitîya cimatkîye’ bibê.
Sewbina Qeymeqamiya Cizîrî zî muracato ke hetê Platformê KESKî yê Şirnexî ra seba pîrozkerdişê 1ê Gulane Roja Kedkaran ya Cihanî ame kerdene, red kerde. Redkerdişî ra dima Platform reaksîyon nîşanê qerarî da û da zanayene ke ê do awahîya xo ya Cizîrî de eşkerarî bidî û pîrozkerdiş pê bîyarî. WAN-ŞIRNEX
