Werteyê teşrîna verêne de zîndanê Wanî de repişteyê sîyasî koxûşî ra ameybî remnayene û cayêkê nedîyarî de îfadeyê înan ameybî girewtene. Narey zî tepişteyê sîyasî yê ke înfazê înan qedîyayî bi bahaneya cezaya dîsîplînî vera nêdîyenê.
Heyetê Çimdarîye yê Zîndanê Asayîşê Berzî yê Wanî bi hawayêkê keyfî beratê tepişteyan asteng keno. Heyetî bi bahaneya ”halê înan xirab o” beratê Îzzet Kina, Faîk Taştan, Şahîn Oncu, Hakan Bîlekçî û Kemal Kahramanî betal kerdî.
Bi bahaneya cezaya dîsîplînî beratê Faîk Taştan û Îzzet Kinayî qasê 6 mengan ame taloqkerdene.
Keyeyanê tepişteyan pare kerd ke înan gerreyê nê kerdişan kerd û venga rayaumûmîye da ke bala xo bida babete ser. Keyeyan waşt ke binpaykerdişê heqanê tepişteyan cade biqedîyê. WAN
