Koordînatora Pêroyî ya Merkezê Cigêrayîşanê Merkezî yê Sosyo-Polîtîkî (SAMER) Yuksel Gençe derheqê meylanê weçînitoxanê kurdan de ANFyî rê qisey kerd.
Yuksel Gençe bale ante ser ke weçînayîşê herêmîyî weçînayîşê îdareyanê herêmîyan ê la rewşa nikayêne de rayî seba dîyarkerdişê rejîmî yenê dayene. Gençe vat: ”Weçînitoxê kurdî weçînayîşanê 2023yî de rolê dîyarkerdeyî de bîyî. Partîya Çep a Keske (YSP) nê weçînayîşan de bire dabî ke paştî bida muxalefetê bingeyînî la bi binkewtişî YSP kewt prosesê vurîyayîşî. Peynî de weçînitoxê kurdî û YSPyî bi giranî namzedê muxalefetî de bîyî yew.
La nika DEM Partî bi qiseyê namdarî yê sîyasetê kurdan ‘Raya xo bide xo’ rojdem de yaç Weçînayîşanê herêmîyan ê 2024î de hîso serwer zî no yo. Weçinitoxê DEM Partî zî pawenê ke raya xo bidê namzedanê xo, bi nê hawayî konsolîde bibê û tesîrê xo bizêdînê. Babeta partî kamî/e bikera namzedî/e ma do raya xo bida ci vurîyaye. No zî mojneno ke weçînitoxî hîna zaf tewrê weçînayîşan benê. Hînî weçînitoxî heta ke namzedanê xo ra sozan nêgêrê tênêgêrenê.”
Gençe ard ziwan ke DEM Partî eke şaristan û cayanê hesasan de weçînitoxanê xo bi kampanyayan mobîlîze bikera do bieşka şaristananê xo qeyûman ra apey bigêra. Yuksele vat: ”Eke DEM Partî wina bikera şaristananê sey Çewlîg, Mûş û Riha de zî şaredarîyan bigêra. Bêguman tîya de têkilîya DEM Partî ya bi şarî do bitesîr biba.”
