Parlamenterên HDP’ê Ayşe Acar Başaran û Dîlan Dirayet Taşdemîr, bi armanca balê bikişînin ser çalakiya greva birçîbûnê dest danîn ser kurdiya Meclisê
Gelek dayikên ku zarokên wan girtîne û li dijî tecrîda li Îmraliyê di greva birçîbûnê de ne, bi armanca balê bikişînin ser daxwazên zarokên xwe, li meclîsê çalakiya rûniştinê berdewam dikin. Malbat bi daxwaza bi Wezîrê Dadê re hevdîtin bikin li Salona Koma HDP’ê dest bi çalakiyê kirin, çalakiya xwe berdewam dikin. Li aliyê din parlamenterên HDP’ê li Salona Lijneya Giştî helwesta meclisê protesto kirin. Parlamenterên HDP’ê Ayşe Acar Başaran û Dîlan Dirayet Taşdemîr, bi armanca balê bikişînin ser çalakiya greva birçîbûnê dest danîn ser kurdiya Meclisê. Dema parlamenterên HDP’ê Başaran û Taşdemir li Kursiya meclisê rûniştin, parlamenterên AKP û MHP’ê bertek nîşan dan û gotin li sirayên xwe rûnên. Başaran jî bertek nişanî wan da û wiha got: “Hûn kîne ji mere dibêjin rûnên. Em fermanê ji we nagirin.”
Piştî parlamenterên HDP’ê laçika spî xistin stuyê xwe û li Kursiya Meclisê rûniştin, Lijneya Giştî navber da civînê. Meclis TV pişti ve yekê weşana xwe qut kir. Çalakiya parlamenteran a dagirkirina kursiyan didome. ENQERE
