Hemşaredarê Qersî Ayhan Bîlgenî ewro serê sibayî de çarçewa operasyonê qirkerdişê sîyasîyî de netîceyê sereştişê keyeyê xo de bi îdîdayê tehqîqatê ‘Kobanê’ de hetê polîsan ra ame destbendkerdene. Ame vatene ke Serdozgerîya Komare ya Anqara derheqê çalakîyanê Kobanê yê 5-9ê teşrîna verêne ya 2014î de 7 bajaran de derheqê 82 kesan de qerarê destbendkerdişî daya. Bîlgen bado ke ame destbendkerdene polîsan ci berdî Mudirîya Polîsan ya Qersî. Welatîyê Qersî gama destbendkerdişê Hemşaredarê Qersî Ayhan Bîlgenî de reksîyonê xo nîşan dayî û sloganê ‘No bajar bi to sereberz o’ berz kerdî.
Yeno pawitene ke badê karê Asayîşê Qersî biqedîyo, Bîlgen bierşawîyo Anqara. QERS
