Welatiyên Binarê Qendîlê li ser serkeftina gerîla ya li çiyayê Garê ya hemberî artêşa tirk axivîn û gerîlayan pîroz kirin.
Welatiyê bi navê Mam Marif Ênzeyî da zanîn ku kurd her tim şerê xwe de bi serketine, lê di siyasetê ewqas ne bi serketîne.
Marif behsa êrîşa artêşa tirk a li ser Garê kir û wiha got: “Êrîşên bi vî awayî gelek kêm hatiye dîtin, gerîla karî êrîşa Tirkiyeyê bişkîne. Mixabin Tirkiye li ber çavê serokatiya Herêma Kurdistan û parlamentoya herêmê êrîşê başûrê Kurdistanê dike. Ji bilî gerîla tu hêzek parastinê nake. Divê hêzên kurdî jî hemberî êrîşan rawestin û bi hevre dijî dagirkeran rabin.”
Welatiya bi navê Kenar Ehmed jî destpêkê serkeftina gerîla ya li Garê pîroz kir û ev tişt anî ziman: “Gerîlayan karî bi berxwedanek dîrokî, artêşa irk a dagirker bişkînin. Wê êrîşên dewleta tirk berdewam bikin, ji ber ku armanca Tirkiyeyê ne tenê Garê ye. Armanc dagirkirina başûrê Kurdistanê ye. Bang li hikûmetê dikim êdî bêdeng nemînin û êrîşên siyasî bihevre dijî êrîşan rawestin.” QENDÎL
