Asayîşa PDK’ê welatiyên bi navê Şaba Cafe û Mam Ezîz ên ku tev li Berxwedana Rûmetê bûn û vegeriyan Başûr, li Deriyê Fîş Xabûr binçav kirin
Bi destpêkirina êrîşên dagirkeriyê yên dewleta tirk a dagirker û komên çete yên girêdayî wê yên li dijî rojavayê Kurdistanê, gelek ciwanên ji bajarên cuda yên başûrê Kurdistanê derbasî Rojava bûn û tev li refên Berxwedana Rûmetê bûn. Her wiha gelek ciwan jî ji bo piştgiriya di hêla civakî de derbasî Rojava bûn.
Balkêşe ku ciwanên ji bo piştgiriyê derbasî Rojava bûn û niha vedigerin başûrê Kurdistanê, ji hêla hêzên asayîşa PDK’ê ve tên binçavkirin. Hefteyek berê jî 12 ciwanên ku tev li Berxwedana Rûmetê bûn û piştre vegeriyan Başûr hatibûn binçavkirin û bi rojan di bin çavan de man.
Li gorî agahiyan, hêzên asayîşê yên PDK’ê niha jî welatiyên bi navên Şaba Cafe û Mam Ezîz ên ku beşdarî berxwedanê bûbûn dema ku dixwestin vegerin Başûr li deriyê Fîş Xabûrê binçav kirin.
