Endamê Koordînasyona Komalên Ciwan Ozgur Şerker der barê tevlibûnan ciwanan a Newroz û nêzikatiya wan a 4’ê Nîsanê de axivî. Bang li ciwanên çep ên sosyalîst û enternasyonal bi taybetî jî ciwanên kurd kir û got: “Weke Ciwanên APOYİ biryara me ev e; ji niha û pê ve em bi dirûşma “Cenga Azadiyê Serbixinin” erk û berpirsyariyên têkoşîna ciwanan pêk bînin.”
Newroza îsal di qonaxeke girîng û têkoşîna ku em tê de ne pêk hat. Bêguman Newroza 2023’yan ji çar aliyê Kurdistanê deng veda. Encamên girîng derketin pêş. Lewma em dikarin bibêjin ku; Di encamê de Newroza 2023’yan mîrateya Newroza Berxwedanê hembêz kir. Ew çirûskên ku di şexsê Heval Mazlûm Dogan de bûne kevneşopî û şewitîn, heta îro gurtir bûne. Di têkoşînê de tu carî paşveçûn û hêdîbûn çênebû. Her ku êrîşên dijmin zêde bûn, pîrozbahiyên Newrozê bûn qadên bersivdayîna dijmin. Li ser vê bingehê me di her Newrozê de ev wate jiyîn.
Di şexsê Veysî Taş û Mehmet Akar de agirê Newrozê geş bû
Lê Newroza 2023’yan ji her demê zêdetir reng derxist. Ji her demê bêhtir kesayeta xwe ya têkoşer derxistiye holê. Ji dost û dijmin re peyamên girîng hatin dayîn. Di van peyaman de herî zêde ruhê berxwedanê derket pêş. Divê em vê bibînin. Bi rastî Newroza 2023’yan bi her awayî bi heybet bû, coş û moralek mezin afirand. Me bi xwe jî ev coş hîs kir. Em di wê baweriyê de ne ku ciwanên Kurdistanê bi vê kelecanê beşdar bûn û di encamê de mohra xwe li van pîrozbahiyên Newrozê dan. Ji ber vê yekê; Newroz bi saya şehîdan bû kevneşopî. Şehîdê me yê herî mezin Mazlûm Dogan agirê Newrozê pêxist, hilda û ev mîras afirand. Heta van demên dawî jî di Newrozê de şehîdên mezin hebûn. Bi taybetî di şexsê Veysî Taş û Mehmet Akar de agirê Newrozê mezin bû. Di şexsê van hevalan de em şehîdên Newrozê careke din bi bîr tînin û bi rêzdarî li ber bîranînên wan ditewînin.
Agirê Newrozê yê ku şehîdan hildidin wê gurtir bibe
Em ê her tim şopdarê şopa di şexsê şehîdan de bin. Vê Newrozê jî nîşan da ku agirê Newrozê yê ku şehîdan hildaye wê her tim bilind bibe. Ji bo Newroza îsal jî em dikarin bibêjin; Newroza 2023’yan di her warî de bi rengên ciwanan hat lidarxistin. Newroza 2023’yan nasnameya xwe ya ciwanan derxist holê. Ciwanên ji çar aliyên Kurdistanê beşdariyeke mezin tev li bûn. Bi sed hezaran ciwan herikîn qadên Newrozê. Wan tam bi reng, helwest û ruhê xwe Newroz afirandin. Ji ber vê yekê bi taybet ciwanan mohra xwe li Newroza 2023’yan dan. Bi vî rengî hêza xwe nîşan dan. Ruhê ku di ciwanan de hat afirandin bi vê refleksa Newrozê re bi awayekî zelal hat dîtin. Di nava dijmin de tirs û xofeke mezin hebû.
Li ser vê bingehê em weke Ciwanên APOYİ ciwanên Kurdistanê yên ku bi dildarî beşdarî vê Newrozê bûne silav dikin. Ciwan bi taybetî li bajarên Qoser, Elîh, Nisebîn û Cizîrê yên li bajarên têkoşînê, li Amedê dilê Kurdistanê û îsal jî li 4 parçeyên Kurdistanê bi ruhê Alî Çîçek û Mazlûm Dogan beşdarî pîrozbahiya Newrozê bûn.
Dijmin nikare têkiliya ciwanan û Rêber Apo qut bike
Di qadên Newrozê de hêza ku ji Rêber APO girtibûn nîşan dan. Me li qadên Newrozê ev tişt dîtin; Dijmin çi bike bila bike, çi qas astengiyan derxe, çi qas zext û zordar bin jî, ti kes nikare rê li ber ciwanên Kurdistanê bigire. Tiştek nikare li pêşiya Ciwanên APOYİ bibe astengiyek mezin. Newroza 2023’yan nîşanî me da ku ciwan çiqasî dilsozê Rêber APO ne, çiqas bêriya Rêber APO dikin û çiqas ji Rêber APO hez dikin. Tişta ku li qadên Newrozê di şexsê ciwanan de derket pêş ev bû; Dijmin çi bike bila bike, nikare têkiliya ciwanan û Rêber APO qut bike. Li her derê dirûşmeyên Bijî Serok APO hatin qîrîn. Li her derê azadiya fîzîkî ya Rêber APO hat qîrîn.
Qadên Newrozê bûne navenda azadiya Rêber APO û Kurdistanê. Me jî gelekî pê hesiya ku ciwanên APOYÎ Kurdistanê yên serhildêr bi helwest û armancên xwe, ji her demê zêdetir ji her demê zêdetir ji bo şerê ku li hemberî dijmin bi ser bikeve, amade ne. Qada Newrozê bû cihê mucîzeyek wiha.
Me ev ruh ji qadên Newrozê hîs kir ku ger ciwan bi vî ruhî bi rêxistinî tevbigerin, ger zêdetir li dora Rêber APO bicivin, ger hêza xwe hîs bikin wê azadiya fîzîkî ya Rêber APO misoger bikin. Newroz nîşaneya vê bû. Newroz bû nîşana têkoşîneke wiha. Em di wê baweriyê de ne ku bi taybetî ciwanên Kurdistanê wê bi rol û mîsyona xwe ya di Têkoşîna Azadiya Kurdistanê de bizanibin. Bi ruhê Newrozê, bi ruhê Rehşan, Mazlûm Dogan, Kemal Korkut wê ji niha û pê ve têkoşîna xwe mezin bikin. Wê li her derê têkoşînê bi ruhê serketinê tev li têkoşînê bibin. Bi vî ruhî em ê îsal astengiyên dijmin ên di navbera Rêber APO û ciwanan de, astengiyên li pêşiya azadiya fîzîkî ya Rêber APO bişkînin.
Tu hêz nikare bikeve navbera me û Rêber Apo
Bi kêfxweşî em rojbûna Rêber APO silav dikin. Li ser vê bingehê em 4’ê Nîsanê rojbûna Rêber APO li hemû ciwanên Kurdistanê pîroz dikin. Bêguman rojbûna Rêber APO rojbûna me ye. Rojbûna ciwanên Kurdistanê ye. Qadên Newrozê jî bi awayekî vekirî nîşan da ku tu hêz, nikare bikeve navbera Rêber APO û ciwanan. Newroza 2023’yan nîşan da ku ciwanên Kurdistanê careke din dilsoziya xwe ya bi Rêber APO re mezin kirin. Ji her demê bi hêztir. Dijmin çiqasî bixwaze van hestên ciwanan sist bike, çiqasî bixwaze vê pabendbûnê kêm bike, her çiqas bixwaze di navbera Rêbertî û ciwanan de astengiyên cuda derxe jî, nikare pêşî li vê bigire. Nikare van lêgerîn, evîn, hesreta ciwanan û hesreta wan a mezin a ji bo Rêber APO bi dawî bike.
Rojbûna Rêber APO afirandina azadiya gelan e
Dibe ku Rêber APO ji me dûr be, Îmralî di nava pergala îşkence û tecrîdê de be, lê Rêber APO hişt ku gelek ciwanên gel bi zanebûna xwe ji nû ve biafirînin. Ji ber vê yekê jî zayîna Rêber APO ji bo ciwanên Kurdistanê xwedî wateyek pir cuda ye. Ne dijmin ferq dike, ne jî em bi xwe dikarin pênase bikin. Dirûşma we ya “Ciwan Fedaiye Rêber APO çiye” bi serê xwe derneket. Di nava Têkoşîna Azadiya Kurdistanê de ev dirûşme bû slogana têkoşînê. Bi vê sloganê ciwan hay ji xwe bûn. Bi vê dirûşmê têkoşîna xwe domand.
Îro di şexsê ciwanan de di şexsê Ciwanên APOYÎ de ala têkoşînê bilind dibe. Ji bo vê jî zayîna Rêber APO zayîna ciwanên Kurdistanê ye. Rojbûna Rêber APO rojbûna ciwanan e. Rojbûna Rêber APO afirandina azadiya gelan e. Di şexsê Rêber APO de em dikarin bi her awayî bibêjin ku ciwan ji xwe hay bûne. Nasnameyek nû hat afirandin. Îro ev têkoşîn bi vî ruhî pêş dikeve.
Got ez ê ji bo we ciwanan xwe zindî û ciwan bihêlim
Rêbertiyê got ez ê tu carî nehêlim pîr bibim . Ez bi xwe dem disekinînim. Ez nahêlim ez pîr bibim “Ez ê ji bo we ciwanan xwe zindî û ciwan bihêlim,” wî got. Ev rastî di têkoşîna me ya îro de jî di asta herî jor de tê jiyîn. Ji ber vê jî girêdana ciwanan a bi Rêber APO re ji her demê zêdetir bûye. Ciwan her tim bi ciwanê xwe Rêber APO têkoşîna xwe xurt dikin. Me ev yek li qadên Newrozê û di 4’ê Nîsanê de dît.
Berxwedana ku di şexsê ciwanan de pêk hat gihîştina lûtkeyê bû. Ciwan bi hêza ku ji Rêber APO digirin têkoşîna xwe didomînin. Jidayikbûna Rêber APO herî zêde weke jidayîkbûna ciwanan tê dîtin. Ciwan jî herî zêde rojbûna xwe di rojbûna Rêber APO de dibînin.
Di Têkoşîna 2023’yan de divê ji dayîkbûna Rêber APO zêdetir watedar be. Divê tenê weke zayineke biyolojîk neyê destgirtin. Bêguman Rêber APO 50 sal in li ser vê bingehê têdikoşe. Her roj xwe nû dike, her roj hewl dide ramaneke nû di xwe de biafirîne, li ser vê bingehê têkoşînê zindî û ciwan bihêle. Ev ji bo me ciwanan rast e. Ji ber vê yekê em di têkoşîna pêş de jî bi vê felsefeyê têkoşîna xwe bidomînin. Werin em weke Rêber APO di têkoşîna li dijî rejîma faşîst a dewleta tirk de, di jiyana xwe de, di têkoşîna xwe de ji her demê bêhtir xwe nû bikin û vê zayîna sala 2023’yan weke têkoşîneke nû ya li ser rêya serkeftinê biafirînin.
Li cihanê mînaka vê tecrîdê nîne
Weke ku tê zanîn êrîşên li dijî Rêber APO tu carî nesekinîn. Dewleta tirk a dagirker û qirker her tim xwestiye navenda polîtîkayên xwe yên dagirkeriyê li Îmraliyê bide destpêkirin. Ev îro jî berdewam e. Têkoşîna me ya 50 salî bê guman rojên zor û zehmet derbas kir. Çawa ku Rêber APO navend û çavkaniya vê têkoşînê ye, îro jî di şexsê Rêber APO de têkoşîna me li Îmraliyê didome. Ji bo vê jî dijmin dixwaze li dijî Rêber APO siyaseta tolhildanê bimeşîne û êrîşên xwe pêk bîne. 25 sal in di şexsê Rêber APO de tecrîdeke bênavber heye. Li cihanê mînaka vê tecrîdê nîne. Dijmin êdî ji bo tecrîdê gotinek nehişt. Her roja ku derbas dibû ev tecrîd girantir kirin, anîn asta jor û îro jî berdewam dike. Ji ber ku Rêber APO gav paşde navêje. Ji ber ku Rêber APO kesayeta têkoşer a li dijî dewleta tirk polîtîkaya qirkirinê ranawestîne. Ji ber ku Rêber APO bi israr dixwaze heta dawiyê di xeta serkeftinê de bimeşe. Ev helwest, ruh jî dibe sedem ku êrîşên dijmin bi vî ruhê berpirsyarî zêde bibin. Lewma divê ji her demê zêdetir em weke ciwanên Kurdistanê li ser polîtîkaya tecrîdê ya dijmin erk û berpirsyariya xwe bi cih bînin.
Ger ciwanan di vê serdemê de li qadên Newrozê erka xwe nîşan dan, weke 4’ê Nîsanê û çawa ku xwestin ruhê têkoşînê yê Rêber APO li qadên Newrozê nîşan bidin, di heman demê de gav paşde navêjin. Li dijî êrîşên dijmin, çawa van qadan kirin qadên hesabpirsînê, îro çawa azweriya xwe nîşan dan, divê li hemberî rastiya ‘Îmraliyê’ û tecrîda li Îmraliyê erk û berpirsyariyên xwe yên Kurdistanî bibînin.
Tecrîda li ser Rêber APO herî zêde tecrîda li ser ciwanên Kurdistanê ye. Ger ciwanên Kurdistanê bi vê perspektîfê li tecrîdê binerin dikarin vê tecrîdê bişkînin. Ger ciwanên Kurdistanê vê hêza ku di Newrozê de derketiye holê, vê enerjiya bêsînor a ku hejmara wê digihêje mîlyonan û xwedî potansiyeleke bêdawî ya hêzê ye, bibînin. Ger vê hêzê zêdetir bi rêxistin bikin, dikarin vê tecrîdê bi dawî bikin. Ji ber ku Rêber APO li ser axa dewleta tirk dîl tê girtin. Bi taybetî ciwanên bakurê Kurdistanê divê di vê rewşê de bêhtir xwedî helwest bin.
Dem hatiye ku Rêber APO bi awayekî fîzîkî azad bibe
Ne pêkan e ku parçebûna tecrîdê weke yek parçeyekê binirxînin. Jixwe Rêber APO bi helwest û paradîgmaya xwe ya li hemberî hemû pêkanînên dewleta tirk a dagirker ev tecrîd şikandiye. Dijmin bi her awayî dixwest Rêber APO bixe navbera çar dîwaran. Xwest Rêber APO ji cihanê qut bike. Dijmin xwest ku tu kes li Rêber APO nefikire, bêyî Rêber APO bijî, vê rengê siyasetê zindî bihêle. Ji ber ku Rêber APO ne tenê ji bo ciwanên Kurdistanê îro Rêberê Azadiyê ye. Ne tenê ji bo ciwanên Kurdistanê bûye çavkaniya têkoşîn û berxwedanê. Rêber APO îro hem ji bo ciwanên Kurdistanê û hem jî ji bo ciwanên tevahî Rojhilata Navîn di heman demê de bûye çavkaniya têkoşîna ciwanên cihanê. Îro ciwanên hemû cîhanê îdeolojiya Rêber APO hembêz dikin. Ew vê îdeolojiyê ji bo xwe wekî hêviya serkeftinê dibînin. Li dijî Modernîteya Kapîtalîst xwînmijê weke çareseriyekê dibînin. Hêz distînin, bi wê hêzê radibin ser piyan û bi vê hêzê bi rêve diçin. Bi vê hêzê baweriya xwe ya afirandina şoreşa cihanê diafirînin. Ev nîşaneya ku Rêber APO ev tecrîd şikandiye. Werin em di sala 2023’yan de ne tenê li dijî tecrîdê, li dijî van ceza û siyaseta dijmin bi tevahî ciwanên Kurdistanê ji her du aliyan ve parçe bikin. Ne tenê tecrîd, bila siya tecrîdê jî nehêlin. Werin em Rêber APO di nava xwe de fîzîkî bibînin. Em êdî bi dirûşmeyên xwe azadiya Rêbertî neqîrin. Em niha dixwazin bi Rêber APO re azad bijîn. Werin em bi Rêber APO re jiyana azad bijîn. Dem hatiye ku Rêber APO bi awayekî fîzîkî azad bibe. Ji ber vê yekê di têkoşîna ku îsal bê domandin de ji her demê zêdetir rol û mîsyonê ji ciwanan re tê hiştin. Ji her kesî zêdetir divê ciwanên Kurdistanê bi Rêber APO hîs bikin. Dilê xwe bi Rêber APO tije bike. Bîranîna xwe bi fikir û felsefeya Önder APO dewlemend bikin. Çawa ku em 4’ê Nîsanê bi çandina şitilan watedar dikin, çawa ku em bedewiya cihanê bi keskahiyê radixin ber çavan û wê weke sembolekê dinirxînin, em jî fikir û felsefeya Rêber APO di dil û bîranînên xwe de geş bikin. Bi vî awayî em polîtîkaya tecrîdê pûç bikin û di heman demê de sala 2023’yan bikin sala serketinê.
Li ser vî esasî berpirsyariyên mezin dikeve ser milê ciwanên Kurdistanê. Bê guman ne tenê ciwanên Kurdistanê, divê ciwanên kurd, ereb, fars û tevahiya Rojhilata Navîn û ciwanên enternasyonalîst jî baş bizanibin ku; Rol û mîsyonên ku ew ê di têkoşîna îsal de bilîzin bêhempa ne.
Rejîma dagirker û qirker di her warî de bi wêrankirinê re rû bi rû maye. Her çend ji bo vê yekê bedelên mezin hatin dayîn û êşên mezin hatin jiyîn jî, dijmin di encama vê berxwedan û têkoşînê de astengiyek mezin dijî. Ew gihîştiye qesra hilweşandinê.
Ji ber vê yekê jî divê ciwanên Kurdistanê bi vê pêvajoyê re bêçare tevnegerin. Bê guman divê berpirsyariyên têkoşîna îsal ji serî heta dawiyê li ser esasê serkeftinê be. Di armanca sereke ya têkoşîna me de hemû bedelên ku heta niha hatine dayîn ji bo serkeftinê bû. Dem hatiye ku Rêber APO bigihije azadiya xwe ya fîzîkî. Ji ber vê yekê em weke ciwanên Kurdistanê weke Têkoşîna Azadiya Kurdistanê di merheleyek nû de ne.
Çawa ku di van demên dawî de ciwanên Kurdistanê bi dirûşma “Werîn Cenga Azadiyê” ketin nava têkoşînê, berxwedana 4 parçeyên Kurdistanê, berê xwe dan çiyayên Kurdistanê, bi qehremanî li ber xwe dan, di nava berxwedanê de cih girtin. eniyên pêş bi qehremanî, xwe birêxistin kirin, bi zanebûna Rêber APO xwe perwerde kirin, di heman demê de li hemberî êrîşên rejîma faşîst di refên herî pêş de bûn, em îro di maleke nû de dijîn, divê têkoşîna ciwanan di nava xwe de maleke nû ava bike.
Werin em têkoşîna xwe bi serkeftinê tacîdar bikin
Li ser vê bingehê em weke Ciwanên APOYİ di vê biryarê de israr dikin; Em ê bi bilindkirina bedelên têkoşîna îsal û têkoşîna ku em gihîştine vê qonaxê bigihêjin serkeftinê. Weke Ciwanên APOYİ biryara me wiha ye; Ji niha û pê ve em bi dirûşma “Cenga Azadiyê Serbixînin” erk û berpirsyariyên têkoşîna ciwanan pêk bînin. Werin em di têkoşîna îsal de bi rola pêşengtiyê bi berxwedanê bi ser bikevin.
Em ji her serdemê zêdetir nêzî serkeftinê ne. Qadên Newrozê jî ev yek nîşan da. Di têkoşîna ku heta niha hatiye dayîn de ev yek nîşan daye. Di heman demê de têkoşîna bênavber a 25 salan a Rêber APO ji her demê bêhtir vê heq dike. Divê em ji niha û pê ve bi pêngaveke nû karibin têkoşîna ciwanan bimeşînin. Ji ber vê yekê em bang li hemû ciwanan dikin. Werin em li gorî vê pêngavê, li bajar bajar, li serê çiyayên Kurdistana azad, li 4 parçeyên Kurdistanê, bi taybetî li her welatê cihanê bi hêztir xwe têxin nava refên têkoşînê.
Werin em ji her demê zêdetir piştgiriyê bidin Rêber APO. Werin em têkoşîna xwe bi serkeftinê tacîdar bikin. Weke Ciwanên APOYİ em bang li hemû ciwanên Kurdistanî, sosyalîst û hemû ciwanên enternasyonalîst dikin ku li dora pêngava Cenga Azadiyê Serbixînin, erkên xwe yên şoreşgerî yên di vê serdemê de bi serkeftinê re tacîdar bikin. Werin em îsal bi berxwedan û têkoşîna ciwanên pêşeng bikin sala serkeftinê. Werin em ji belaya faşîzmê xilas bibin. Werin em diyariya azadiyê bidin gelê xwe.
