Navenda Nûçeyan
Hêzên Asayîşê di saet 02:30’an de ser bi navenda Televziyona NRT ya li bajarê Silêmaniyê de girtin. Wezareta Rewşenbîrî ya Hikumeta Herêma kurdistanê jî îro danê siharê biryara rawestandina weşana NRT’yê derxist.
Biryara girtina weşana Televziyona NRT a ji aliyê Wezareta Rewşenbîrî ve, ji aliyê rêveberê giştî yê Ragihandin û Çapê yê bi wekalet Şêrwan Ula Xurşîd ve hatiye îmze kirin.
Di belgeya biryara girtina televziyonê de ev tişt tên gotin; “Ji ber ku kanala NRT girêdayî bendên taybet yên di aliyê medya dîtin û bihîstinê de nebû, bi taybet jî di vê demê de berpirsyartiya xwe pêkneaniye hatiye girtin. Ji ber ku televziyona NRT berevajiyê madeya sêyem ya destura televziyon û radyo a li Herêma Kurdistanê bûye, tevî gelek caran hatiye agadar kirin me biryar da weşana asayî ya kanala NRT1 ji bo heftiyekê were girtin.”
Balkêşe ku di nivîsa hatî weşandin de behsa bername û nuçeyek televziyonê ku buye sedema girtina televziyonê nehatiye kirin.
Li gorî biryarê wê kanala NRT di hemû aliyan de were girtin. Yanî weşana tv, weşana DVBT û li ser înternetê jî wê were girtin.
Kanala NRT wê îro di saet 11:30’an heya saet 11:30’ê 13’ê Kanuna 2020’an girtî bimîne.
