Wextê binçimkerdişî yê Hemşaredarê qezaya Gogsî ya Erziromî Burhanettîn Şahîn û endamê meclîsê şaredarîye ra 10 kesê ke ameybî tepiştene 2 rojan derg kerdî
Qezaya Gogsî ya Erziromî de 11ê temmuze de polîsan saetanê serê sibayî eştbî serê xeylî keyeyan. Polîsan keyeyan de sehnayîşan kerdbî û her çî serûbin kerdbî. Badê sehnayîşê keyeyan polîsan Hemşaredarê qezaya Gogsî Burhanettîn Şahînî û encumenê şaredarîye ra Yuksel Kişin, Erdal Bayram, Mahmut Çîmendag, encumenê Şaredarîya Bajarê Girdî ya Erziromî Mehmet Latîf Karakuş, îdarekarî Nurî Kandemîr û Namet Yilmaz, encumenê verênî Erdem Kaya û Cemîl Oran û heman wextî de hemwelatijo bi nameyê Erol Mahçupî tepiştbî. Tepiştişan de pêropîya 10 kesîameybî tepiştene û wextê binçimkerdişî yê tepişteyan 2 rojan derg kerdî.
Sebebê tepiştişê 10 kesanê ke 4 rojî yo Şûbeyê Erziromî yê TEMî de yenî tepiştene, naême zanayene. ERZIROM
