Çarçewaya cipersayîşê Serdozgerîya Komere ya Anqara de vizêr 9 bajaran vera rojanmegeran operasyonê qirkerdişê sîyasîyî ame kerdene û 11 rojnamegerî pê îşkenceyî ameyî destbendkerdene.
Sereştişê keyeyan de Mudira Karanê Nuştuşî ya Ajansê Mezopotamya (MA) Dîren Yurtveser û muxabîrê MA Deniz Nazlim, Selman Guzelyuz, Zemo Aggoz, Bêrîvan Altan, Hakan Yalçin, Emrullah Acar û Ceylan Şahinli û muxabîrê JinNewsî Habibe Eren û Oznur Deger, rojnameger Mehmet Gunhan pê îşkenceyê polîsan ameyî destbendkerdene. Ame zanayene ke rojnameger Derya Rene çarçewaya cipersayîşêko cîya ra bi îdîayê cezaya aye ameya tesdîqkerdiş, ameye destbendkerdene.
Asayîşê Anqara da zanayene ke rojnamegerî rîyê xeberanê ke viraştî ra ameyî destbendkerdene. Derheqê dosya de qerarê nimitişî ame girewtene û 24 saet pêvînayîşê avûkatan ame qedexekerdene. Dozgerîye wextê nezaretî yê 11 rojnamegan yew roje kerd derg.
Hetê bînî ra ame musayene ke Dîren Yurtsever Stenbolî ra û Hakan Yalçin Wanî ra ameyî berdene Anqara.
