Di doza Muslum Îlhan (8) ku di 7’ê Gulana 2016’an de li navçeya Hezex a Şirnexê cîsmê ku dîtibû di destê wî de teqiyabû û jiyana xwe ji dest dabû de, dadgehê li gorî prensîba rîsqa civakî Wezareta Karên Hundir mehkûmê dayîna tazmînatê kir
Doza Muslum Îlhan (8) ku di 7’ê Gulana 2016’an de li taxa Tûrgût Ozal a navçeya Hezexê ya Şirnexê cîsmê ku li hewşa mala xwe dîtibû, di destê wî de teqiyabû û jiyana xwe ji dest dabû, bi dawî bû. Doz, di encama serlêdana Serokê Komeleya Mafê Mirovan (ÎHD) a Amedê Abdullah Zeytûn a li ser navê malbatê ya ji bo 2’yêmîn Dadgeha Cezaya Giran a Mêrdînê, bi daxwaza ku Wezareta Karên Hundir tazmînata madî û manevî bide hatibû vekirin.
Dê wezaret tazmînatê bide
Dadgeha ku dosyayê vekolîn kir, xalên 2, 5 û 125’emîn ên Destûra Bingehîn bi bîr xist û diyar kir ku ji bo hemû xebat û mameleyên îdareyê rêya darazê vekiriye û ji ber vê yekê îdare neçare ku xesarên ji ber xebat û mameleyên wê pêk hatine, bibersivîne. Dadgehê îşaret bi berpirsyariya hiqûqî ya îdareyê kir û ragihand ku ji ber ku berpirsyariya parastinê ya îdareyê heye, neçare ku xesarên ji ber parastinê nekiriye pêk hatine tezmîn bike.
Di encamê de dadgehê biryar da ku li gorî prensîbên rîsqa civakî; Wezareta Karên Hundir 118 hezar TL tazmînata madî û 110 hezar TL jî tazmînata manevî bide dayik û bav Perîzade Îlhan û Mehmet Halîl Îlhan. AMED
