Wezîrê Pawitişî yê Iraqî Cuma Înadî eşkerayîyêke daye çapemenîye û bale ante Qirkerdişê Zaxoyî ser. Înadî vat: “Mesuldarê qirkerdişî dewleta tirke ya. Ma Tirkîya ra waşt ke wa hêzanê xo herême ra bianca. La dewleta tirke goş nêda waştişê ma.”
Înadî bale ant ser ke eşkerayîyê dewleta tirke ya îşxalkere îdîa kenê ke PKKyî qirkerdiş kerdo û naye ser o vat: “Qirkerdiş bi topanê giranan ê 155 mm ameyo kerdene. Destê PKKyî de çekê giranî çin ê. Tirkîya no hêriş kerdo û nê qirkerdişî ra mesuldar o.”
Wezîr Cuma Înadî ard ziwan ke bedelê ci çi beno wa bibo ê do destûr nêdê ke heqê mexdûran bêro binpaykerdene.
