Piştî ku dewleta tirk a dagirker li Herêmên parastinê yên Medyayê derbaên giran ji gerîlayên azadiyê xawrin her roj wezîrek wan tevî şefê MÎT’ê li Bexdayê û Hewlêrê ne. Piştî serdana Musteşarê MÎT’ê Îbrahîm Kalin a meha çileyê ya li Iraqê, vê carê jî Wezîrê Parastinê yê Tirk Yaşar Guler û Serokê Fermandariya Giştî Metîn Gurak çûn Bexdayê. Têkildarî serdanê agahiyeke fermî nehate parvekirin.
Musteşarê MÎT’ê Îbrahîm Kalin 22’ê çileya 2024’an serdana Iraqê kiribû, tevî Serokkomarê Iraqê bi gelek rayedarên Iraqî re hevdîtin kiribû. Kalin piştre derbasî bajarê Hewlêrê yê başûrê Kurdistanê bû û 28’ê çileyê bi sîxurê xwe Mesûd Barzanî re rûniştibû.
Di 24’ê çileyê de Serokkomarê Îranê Îbrahîm Reîsî ji bo dîtina Serokkomar Recep Tayyîp Erdogan û tevlîbûna li Civîna 8’emîn a Konseya Hevkariyê ya bi Asta Bilind a Tirkiye-Îranê li Enqereyê bû
Roja yekşemê jî Wezîrê Karên Derve yê Tirk Hakan Fîdan ragihand ku Serokdewletê Rûsyayê Vladîmîr Pûtîn wê bê Enqereyê. Şêwirmendê Polîtîkaya Derve ya Kremlînê Yûriy Ûşakov 29’ê Çileyê daxuyaniyek da û diyar kir ku ji bo serdana Pûtîn a li Tirkiyeyê di meha Sibatê de bê kirin amadekarî hatiye kirin.
