Hêzê Hempare yê Mîyanneteweyî yê Vera DAIŞî û hêzê asmênî yê Iraqî Xaneqîn de vera çeteyanê DAIŞî de hêriş pê ardî. Netîceyê hêrişan de 7 çeteyê DAIŞî ameyî kiştene
Helîkopterê wayîrnênas şewa verên qezaya Xaneqînî de wargehê çeteyanê DAIŞî bombardûman kerdî. Netîceyê bombardûmanî de 7 çeteyê DAIŞî ameyî kiştene.
Derheqê babete de fermandarê Lîwaya Mexawirî yê Supayê Iraqî Rûkîn Zerxam Ebdulxazî xebere da û wina va: “Hêrişê vera DAIŞî bi hemkarîya Hêzê Hempare yê Mîyanneteweyî yê Vera DAIŞî û hêzê asmênî yê Iraqî de pê ame.”
Ebdulxazî dîyar kerd ke netîceyê bombardûmanî de 7 çeteyê DAIŞî ameyî kiştene. Sewbîna ard ziwan ke demêko dergo ke serê operasyonê vera çeteyanê DAIŞî de xeberî yenî arêdayene û tewr peynî vizêr şewe dormeyê Xaneqînî de operasyon ame destpêkerdene. XANEQÎN
