HDPyî çarçewaya weçînayîşê herêmîyî de, Xarpêt de buroyê weçînayîşî akerde. Bi seyan kesî beşdarê programê akerdişî bîyî û sey mîtîng derbaz bi.
HDPyî Xarpêt de, garajê Xozatî de buroyê weçînayîşî ya merkezîye akerde. Parlamenterê HDPyî yê Çewligî Erdal Aydemîr, namzetê şaredarîya Xarpêtî yê HDPyî Mehmet Kiliçtepe, namzetê hemserekîya şaredarîya Depî Sever Uzune û Mahmut Ercan, Serap Dogan Mutluye ya ke namzetîya ci ya şaredarîya Depî hetê YSKyî ra ameya betalkerdene, beşdarê programê akerdişî bîyî. Program bi hewayê mîtîngî de derbaz bi û bi seyan ciwan û cinîyî beşdar bîyî.
Program de namzetê şaredarîye yê bajar û qezayan dîyayî şinasnayene. Parlamenterê Çewlikî Erdal Aydemîrî, Selahattîn Demîrtaşî rê silamê xo erşawitî û wina dest bi qiseykerdişî kerd. Aydemîrî bale ante xoverdayoxanê grevê vêşanîye Leyla Guvene û embazanê aye ser û va, hukmatê AKPyî welatî ver bi krîzê giranî bena û şaro Kurd do 31ê Adare de duştê polîtîkayanê AKPyî yê qilêrin û înkarkerdişî de, cewab bido. XARPÊT
