Parlamentera Partiya Demokratîk a Gelan (HDP) a Amedê Dersîm Dag, têkildarî nêzîkatî û polîtîkayên hikûmetê û polîsan ên li dijî endamên Meclisa Ciwanan pirsname da meclisê û xwest Wezîrê Karên Hundir Suleyman Soylu pirsê wê bibersivîne. Dag anî ziman ku di hefteyek dawî de li Stenbolê 3 endamên Meclisa Ciwanan hatin revandin û ji wan xwestin bibin sîxur û diyar kir ku L.P, O.Y û M.T. yên ku polîsan ew revnadin, ji wan xwestin ku bibin sîxur û bi tundî û îşkenceya fîzîkî re rû bi rû mane.
Dag ji bo bersivandinê ev pirs ji wezîr Soylu pirsîn:
*Kesên ku li Stenbol û Agirî endamên ciwanan direvînin û ji wan dixwazin bibin sixûr, girêdayî yekîneyên polîs û leşkeriyê ne? Ev kes di kijan yekîneyên polîs û leşkeran de cih digirin?
* Kesên L.P., O.Y., M.T. û M.M.İ revandin, der barê wan de lêpirsîn hatiye vekirin? Ger lêpirsîn hatibe vekirin di çi astê de ye. Ku nehatibe vekirin çima nehatiye vekirin?
* Hêzên leşker û polîsan ên girêdayî wezareta we bi revandina endamên meclisa ciwanên partiya siyasî û daxwaza sîxuriyê çi armanc dikin?
* Agahiya we ji revandin û ferzkirina sixûriyê ya li ser ciwanan heye?
* Di 5 salên dawî de kesên hatin revandin û ji wan xwestin bibin sîxur çend kes in?
* Di 5 salên dawî de der barê çend kesên bi zorê mirov revandin û îşkence li wan kirin de lêpirsîn û doz hat vekirin? ENQERE
