Xwediyên “Xelatên Çapemeniya Azad” ên 2023’yan ên Free Press Unlimitedê diyar bûn. Di çalakiyeke taybet a li Nieuwspoortê ya li bajarê Lahey ê Hollandayê de rojnamegerên “Xelata Rojnamegera/ê Siberoja Wê/î Ronî” û “Xelata Rojnamegera/ê Herî Bibiryar” wergirtin hatin aşkerakirin.
Free Press Unlimitedê “Xelata Rojnamegera/ê Herî Bibiryar” da Hevseroka Komeleya Rojnamegeran a Dîcle Firatê (DFG) û Edîtora Ajansa Mezopotamyayê (MA) Dîcle Muftuoglû ku di çarçoveya lêpirsîneke bi navenda xwe Enqereyê hat girtin.
Rojnameger Aysel Avesta û Lydîa Gottshalkê li ser navê Muftuoglûyê xelat wergirtin. Di merasîmê de nameya Muftuoglûyê jî hat xwendin.
