Dewleta tirke ya îşxalkere Kobanê ra heta Hesekê û Efrînî herêmanê Îdareyê Xoserî yê Rojawanê Kurdistanî bêmabên dana bombayan ver. Dewleta tirke ya îşxalkere vizêr dewê Kogran, Qeremox û Cêşanî, Girê Miştenûrî û noqtayê leşkerî yê rejîmê Şamî dayî bombayan ver.
Qezaya Şêrawa ya Efrînî de dewê Bênê, Dêrcimêlî û Zîyaretî û dewê Aqîbê bi çekanê giranan dîyayî bombayan ver û Aqîbê de 20 mêşnayî zî ameyî qetilkerdene. Qezaya Til Rifetî ya Şehba de dewa Hasacê dîyaye bombayan ver.
Dewleta tirke vizêr dewê Til Hemdûn û Behîra yê Amûdê dayî bombayan ver. Vizêr cemşanî bombardumanê dewleta tirke yê vera dewa Marîtî ya Amûdê de 2 kesî birîndar bibî. Dewleta îşxalkere dewê Til El Leben û Gozelîyê yê Hesekê zî pê obusan dayî bombayan ver.
Şewe dewleta tirke mabênê Til Temir-Zirganî yê Hesekê de wesayîtêk kerd kedef. Hêriş de domano 17 serre Edil Rehman Reşîd Hesen birîndar bi. Dima dewleta îşxalkere dewê Bûban û Siftekî zî dayî bombayan ver.
