Di şahiyên biharê yên Zanîngeha Bulent Ecevît a Zonguldakê de xwendekarên ku li ber stranên kurdî govend gerandin rastî mudaxaleyê hatin. Xebatkarên ewlehiyê ya zanîngehê ji xwendekaran re gotin ku kurdî qedexeye û ev yek xeta wan sor e
Li Zanîngeha Bulent Ecevît a Zonguldakê xwendekarên ku di şahiyên biharê de li ber stranên kurdî govend gerandin rastî mudaxeleya xebatkarên ewlehiyê yê zanhîngehê hatin.
Xebatkarên ewlehiyê yên zanîngehê yên li Kampusa Farabî çûn ba xwendekarên govend digerandin û stranên bi kurdî digotin, muzîkê girtin piştre destên xwe li masê xistin û gotin ‘li vir gotina stranên kurdî qedeye. Ev xeta me ya sor e’ Xwendekaran li ser gotinê diyar kirin ku divê bi her zimanî gotina stranan serbest be. Li ser vê gotinê xebatkara jin a zanîngehê got ‘Zimanê kurdî xeta me ya sor e teqez qedexe ye.’
Êrîşên li ser xwendekaran ne cara yekem e
Êrîşên li ser xwendekaran ne yekem in. Sala borî jî xwendekar bi îdiaya ‘endamên rêxistinê’ hatibûn binçavkirin û wêneyên wan li çapemeniya herêmî hatibû îfşakirin. Xwendekarên ku nasnameya wan li ser medyaya civakî hatin aşkerakirin bi tehdît û lîncê rû bi rû hatin hiştin. Hinek xwendekarên ku hatin berdan hîn jî ji ber ku ewlehiya wan tune ne nikarin biçin dibistanê. ZONGULDAK
