Dewleta tirke ya îşxalkere goreyê saeta herême 13.10 de dewê Zormixar, Dêrbizin, Xerbisan, Koran û Aşme dayî bombayan ver, Restaurantê Neqilî yê Eyn Îsayî û rayîrê M4î zî pê hawan û obusan dayî bombayan ver. Hêzanê îşxalkeran saete 11.20 de dewê Medûnê û Radarî yê Şehba zî dayî bombayan ver.
Dewleta tirke ya îşxalkere 19ê teşrîna peyêne ra nata bi teyarayanê şerî Rojawanê Kurdistanî dana bombayan ver. Dewleta tirke ya îşxalkere Kobanê, Eyn Îsa, Şehba û Til Temir dayî bombayan ver. Saetanê şewe ra nata Şera û Şehba tewr tay 13 reyî ameyî hedefkerdene. Hêrişan de heta nika 14 sivîlî şehîd bîyî.
