Dewleta tirke ya îşxalkere saetanê serê sibayî Zagrosan de vera xeylêk dewan û wareyan hêrişê îmhayî dayî destpêkerdene. Herême de xeylêk leşkerê tirkî yê îşxalkerî ameyî cakerdene.
Operaysonê leşkerî dewanê Xaşkan, Dirişkê, Lêsek û Deravî yê sînorê Geverê Colemêrgî û Elbakê Wanî û dewanê Soryan, Basan, Bilind Basan, Dêlezi yê herêma Gelîyê Dirdîyan de yeno kerdene. Saetanê serê sîbayî de merkezê Colemêrgî û qezayanê derûdorî ra bi wesayîtanê zirxinan û helîkopteran bi hezaran leşkerê tirkî ameyî ardene herême.
Rayîrê wareyanê Meydan Belek, Gelîyê Zeynebê û Gelîyê Dolanî hetê leşkeranê tirkî ra ameyî gefinayene. Bêrîyê ke semedê doşnayîşê mîyan şîyî herême GBTyî ra ameyî ravîyartene.
Elbakê Wanî de zî warêyê Sîyane yê dewa Lêsekî û warê Gelîyê Masîroyî, Gever de wareyê Navşîyan, Çiyayê Morê yê dewa Soryanî, wareyê Şîşol, wareyê Davana Sorê dewa Sorê û wareyê Kirmik, Şermerzan û Kanîdirjî yê herêma Geliyê Pinyanişî hetê leşkeran ra gerîya binê ablûqa û sewqîyato leşkerî ame kerdene.
Wareyanê Horê, Berê Sor û Conî yê herêma Koyê Sipêrêzî yê yo ke dewanê Tilorana Jêr û Tilorana Jorî yê Geverî de yo, 11 hezîrane ra nata hêrişî bêmabên dewan kenê. Waranê Sipêrezî û Omerê de droneyê çekdarî (SİHA) gêrenê.
