Xoverdayîşê grevê vêşanîye yê bêdem û anêgêrayîşî yê Hemsereka KCDyî û Parlementera HDPyî Leyla Guvena ke vera tecrîdkerdişê Rayberê Şarê Kurdî Abdullah Ocalanî dabîye dest pêkerdene roja 167. de dewam keno. Sewbîna pêroyê çalakîyê ke badê Guvene dîyayî dest pêkerdene zî bi qerardarî dewam kenî
Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 167. de dewam kena. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena. Ganî bêro vîrvistiş ke rewşa weşîya çalakgeran her ke şona xidar bena. Sewbîna 16ê Kanûne de zindananê Tirkîye de zî çalakîya grevê vêşanîye dest pêkerdbî û 1ê Adare de zî vilayê pêroyê zindanan bîye.
Hetê bînî ra xoverdayîşê endamê temsîlkarîya HDPyî yê Başûrê Kurdistanî Nasir Yagizî zî bi eynî amancî sey grevê vêşanîye yê bêdem û bêagêrayîşî dewam keno. Yagiz roja 153. de bi qerardarîye dewam keno. Grevê biagêrayîşî yê temsîlkarîya HDPyî ya Başûrê Kurdistanî yê Hewlêrî zî roja 153. de yo.
Xoverdayîşê Strasbourgî yê 14 çalakwanan û Galler de Îmam Şîşî roja 128. de dewam keno. Çalakîya zîndananê Kurdistanî û Tirkîya, ke gruba verêne 16ê kanûne 2018î de dabî destpêkerdene, 129. de dewam kena. 1ê Adare ra dima bi hezaran hepsîyî zîndananê Kurdistanî û Tirkîya dest bi grevê vêşanîye kerdî û çalakîya înan roja 53. de dewam kena. Sewbîna Mexmûr, Hewlêr, Şengal û xeylê cayanê cîya-cîyayan de zî seba piştîdayîşê grevê vêşanîye çalakîyê grevê vêşanîye estî.
Endama Meclîsê Îştarî Fadîle Toke roja 94. de ya. Hemsereka DBPyî ya verê Sebahat Tuncel û ya parlamentera HDPyî ya verê Selma Irmake ke zindan de dayê destpêkerdiş roja 98. de yê û bajarê Toronto ê Kanadayî de zî çalakîya Yusuf Îba ke dayo destpêkerdene roja 99. de dewam keno.
Çalakîya ke Parlementera HDP’yî Dersîm Dage 3ê Adare de, Tayîp Temel û Murat Sarisaçî 8ê Adare de awanîya HDPyî de daye destpêkerdene dewam kena. Çalakwananê ke hepisxane de dest bi grevê vêşanîye kerdo û ameyê verdayene, veradayîşî ra dima zî çalakîya xo keye de dewam kenê. Sedat Akin Êlîho ke Zindanê Tîpa Eyî yê Erzinganî ra vejîya 107 rojî, Gurbet Ektîrene Mêrdîn de 98 rojî, Semra Alkan Alîaga yê Îzmîrî de 107 rojî, Îhsan Sinmiş Kuçukçekmece yê Stenbolî de 56 rojî yo grevê vêşanîye de çalakîya xo keye de dewam kenê. Îsmet Yilmaz, Salîh Tekin, Sevican Yaşare, Bîlal Ozgezer banê HDPyî yê Amedî de 3ê Adare de dest bi grevê vêşanîye kerdibî. Çalakîye ra dima ameyî girewtene û zîndan de çalakîya xo dewam kenê. Aşmêk ra dima ameyî verdayene û nika çalakîya xo dewam kenê.
Mexmûr
Çalakîya grevê vêşanîye yê bêdem û bêagêrayîşî ya vera tecrîdkerdişê Rayberê Şarê Kurdî Abdullah Ocalanî ya Kampa Şehîd Rûstem Cûdî ya Mexmûrî roja 129. de bi gruba 41. kena. Hetê bînî ra grevê vêşanîye yê bêdem û bêagêrayîşî yê vera tecrdîkerdişê Rayberê Şarê Kurdî Abdullah Ocalanî yê endama Meclîsê Îştarî yê Mexmûrî Fadîle Toke, ke 12ê Çele de dest pêkerdibi, roja 94. de dewam keno.
Silêmanî
Grevê vêşanîye yê Komela Karkeranê Mezopotamya ya Silêmanî yê seba wedaritişê tecrîdê serê Rayberê Şarê Kurdî Abdullah Ocalanî roja 131. de bi gruba 65. dewam keno. Qezaya Kelarî ya Germîyanî de Muhendis Herêm Mehmûd seba wedaritişê tecrîdê serê Rayberê Şarê Kurdî Abdullah Ocalanî 59 rojî yo grevê vêşanîye yê bêdem û bêagêrayîşî de yo. Grevê Gulebax Celale zî roja 38. de bi qerardarîye dewam keno. AMED
