Xoverdayîşê Hemsereka KCDyî Leyla Guvene ê grevê vêşanîye ya bêdem û bêagerayîş ke bi amancê tecrîdkerdişê Rayberê PKKî Abdullah Ocalan peynî bibo dest pêkerd kewt roja 88ine. Leyla Guvene dimayê 25ê Çele de serbest amî veradayîş.
Leylaya ke her roje seba çalakîye problemê aye weşîye zêde benê, êdî warê şimitişî de zî probleman cuyena û seba tansîyona berz wexto ke wirzena serê lingan zehmetî ancena.
Binê abluqayê polîsan de çalakîya Leylaye yena selamkerdene
Heto bîn ra zî HDP, DBP û TJAyî, her roje yenê verê keyeyê Leylaye û piştdayîşê xo aye dir neql kenê. Her çiqas hêrêşê polîsan esto zî piştdayîş dewam kenê. Xeylê bajarê bîn zî şar şan de vejîyeno kuçeyan û piştdayîşê xo bi çalakîya Leyla Guvene rê ramojnenê.
Eynî wextî de çalakîya grevê vêşanîye ya zîndanan ke ameya destpêkerdene ê koma 1. roja 50. de, Çalakîya Endamê Meclîsê HDPyî Nasir Yagizî ê Hewlerî de bi eynî amanc û waştişî dest pêkerdo roja 75ine de dewam keno. Çalakîya grevî ê Strasbaurg û ê Îmam Şîşî Gallerî zî roja 49. de yo. Endama Îştarî ya Mexmûrî Fadîle Toke roja 15. de û ê Hemseraka verê ya DBPî Sebahat Tuncele û parlamentera HDPî ya verê ê Colemêrgî Selma Irmake zî roja 20. dewam kena. AMED
