Grevê vêşanîye yê Nasir Yagizî yê Hewlêrî roja 148ine de yo. Rewşa weşîya Yagizî çend şino giran bena
Xoverdayîşê grevê vêşanîye yê vera tecrîdkerdişê Rayberê Şarê Kurdî Abdullah Ocalanî yo ke Başûrê Kurdistanî de rayberîya Nasir Yagizî de dest pêkerd bi qerardarîye dewam keno. Rewşa weşîya Yagizî çend şino giran bena. Grevê vêşanîye yê Nasir Yagizî yo ke Temsîlkarîya HDPyî yê Hewlêrî ya Başûrê Kurdistanî de yeno domnayene roja 148. de bi qerardarîye dewam keno.
Çalakîya grevê vêşanîye yê bêdem-biagêrayîşî yê Silêmanî ya ke 125 rojî yo yena domnayene grûba 63. dewr girewte. Çalakîya ke Komela Karkeranê Mezopotamya ya Silêmanî de yena viraştene, kesê ke Almanya, Katalonya û Spanya ra ameyî tewrê ci bîyî.
Xoverdayîşê Herêm Mehmûdî yo ke Kelar de 24ê Sibate de dest bi grevê vêşanîye yê bêdem-bêagêrayîşî kerdbi, kewt roja 52ine. Xoverdayîşê endama Têgêrayîşê Azadîye yê Meclîsê Herêma Germîyanî Gulebax Celale zî roja 32ine de yo.
Grevê vêşanîye yê bêdem-bêagêrayîşî yê endama Meclîsê Îştarî yê Mexmûrî Fadîle Toke kewt roja xo ya 88ine. Grevê vêşanîye yê bêdem-biagêrayîşî yo ke Komala Şehîdan de yeno viraştene zî bi grûba 122ine dewam keno. HEWLÊR
