Nasir Yagiz vera tecrîdê girankerdeyî yê serê Rayberê Şarê Kurdî Abdullah Ocalanî Temsîlkarîya HDPyî ya Başûrê Kurdistanî de 172 rojî yo grevê vêşanîye de yo
Çalakîyê grevê vêşanîye yê merkezanê cîyayan ê Başûrê Kurdistanî bi qerardarîye dewam kenê. Grevê vêşanîye yo ke Temsîlkarîya HDPyî ya Hewlêrî de vera tecrîdê serê Rayberê Şarê Kurdî Abdullah Ocalanî amebi destpêkerdene roja 172. de bi gruba 86. dewam keno. Hetê bînî ra çalakîya Nasir Yagizî ya bêdem û bêagêrayîşî zî roja 172. dewam kena.
Bi nameyê gruba 86. endamê meclîsê HDPyî Sidiq Wakarî qisey kerd û va: “Heme waştişê çalakwanan eşkera yê. Heta tecrîd nêro şiknaye û bi temamî mîyan nêro wedaritene çalakîyî do dewam bikerê.”
Çalakîya grevê vêşanîye ya ke Komela Karkeranê Mezopotamya ya Silêmanî de vera tecrîdê serê Rayberê Şarê Kurdî Abdullah Ocalanî amebî destpêkerdene roja 150. de dewam kena. Grev bi gruba 86. dewam keno.
Çalakîya Muhendis Herêm Mehmûdî ya ke qezaya Kelarî ya Germîyanî de zî roja 77. de bi qerardarîye dewam kena. Roja 76. de grubêk hunermendanê Silêmanî û Rêxistina Niwêgerî ra şîyî serdana Mehmûdî û bi wendişê şîîran hêz û moral da Mehmûdî.
Kampa Bextwaştoxan a Mexmûrî de zî grevê vêşanîye roja 147. de bi qerardarîye dewam keno. Grev bi gruba 49. dewam keno. Eynî wext de çalakîya bêdem û bêagêrayîşî ya endama Meclîsê Îştarî yê Mexmûrî Fadîle Toke roja 122. de bi qerardarîye dewam kena. HEWLÊR
