Paytext Berlin û bajarê Esslingenî yê Almanya, paytextê Ermenîstan Erivan, bajarê Den Haagî yê Hollanda û bajarê Rennesî û Bordeauxî yê Firansa de bi aktîvîteyanê cîya cîyayan xoverdayoxê Rojeyê Mergî yê Pîlî yê 14ê Temmuze û şehîdê manga temmuze ameyî vîrardene.
Aktîveteyanê ke bi rezgirewtişê şehîdan dest pêker de bale ameye antene ruhê xoverdayîşê 14ê Temmuze ser û ame vatene ke ewro bi eynî ruhê bi hezaran tepişteyî zîndanan de xover danê. Reyna koyanê Kurdîstanî de vera hêrişê îşxalê dewleta tirke xoverdayîşo pîl ê gerîlayan esto ke dewamê nê ruhî yo.
Qiseykerdişan de xoverdayîşo ke bi Mazlûm Doganî dest pê kerd û serkêşîya Hayrî Durmuş, Kemal Pîr, Akîf Yilmaz û Alî Çîçekî de resa serkewtişî ame vîrardene û ame vatene ke pê wayîrvejîyayîşê têkoşînê şehîdan kurdî eşkenê ser bikewê.
