Bi nameyê tepişteyanê dewaya PKK û PAJKî Denîz Kaya: Ma çalakîya xo ya grevê vêşanîye yê bêdem û bêagêrayîşî û û rojeyê mergî qedçnenê.”
Bi nameyê tepişteyanê dewaya PKK û PAJKî Denîz Kaya va: “Ma çalakîya xo ya grevê vêşanîye yê bêdem û bêagêrayîşî û û rojeyê mergî qedçnenê.”
Eşkerayîya tepişteyan wina ya:
“Hemra Leyla Guvene bi welatperwerîyêka xorîne û hişmendîya demokratîke dî ke tecrîdkerdişê Rayber Apoyî verê demokratîkbîyayîşê Tirkîya û azadîya Kurdistanî de astengîya tewr muhîm a, seba wedaritişê tecrîdî 8ê Adare de dest bi grevê vêşanîye yê bêdem û bêagêrayîşî kerde. Wextêko derg o ma zî sey tepişteyanê dewaya PKK û PAJKî seba wedaritişê tecrîdî mîyanê cigêrayîşî de bîyî û 27ê Teşrîna Peyêne de vera tecrîdî bi qerardarîyêka girde ma zîndanan de dest bi grevê vêşanîye yê bêdem û bêagêrayîşî kerde.
Ma 16ê kanûne de bi beşdabîyayîşê 343 hevalan û 1ê Adare de zî i beşdabîyayîşê 2 hezar 892 hevalan dest bi grevê yê bêdem û bêagêrayîşî kerd û bi qerardarîyêka girde çalakîya xo dewam kerde. 30ê Nîsane de bi beşdabîyayîşê 15 hevalan û 10ê Gulane de zî bi beşdabîyayîşê 15 hevalan, bi 30 hevalan dest bi rojeyê mergî kerd. Seba rijiyayîşê faşîzmî, şiknayîşê tecrîdî ma bi qerardarîyêka girde hemleya xo dewam kerde û seba wayîrvejîyayîşê vîrardişê hevalanê şehîdan, girdkerdişê sewîyeya xoverdayîşî sey wezîfeyêk vernîya ma de bi. Bi taybetî dimayê çalakîyanê fedeyîyan ê şehîdanê hemle; Zulkuf, Aytene, Medya, Mahsun, Zehra, Yonca, Siraç û Ugurî berpirsîyarîya ma girantir bîye. Ma reyêka bîne şehîdan qehremanan ê ke seba azadîye û heqîqetî xo feda kerdo yad kenê û ma do soz danê ma hertimî vîrameyîşanê înan ra wayîr bivejîyê.
Çar parçeyanê Kurdistanî de û teberê welatî de şarê Kurdî çalakîyanê şiknayîşê tecrîdî ra wayîr vejîya. Tirkîya de hêzê demokratîkî, rêxistinê heqanê merdiman û huqûqî û xeylî cayanê dinya de hêzê demokrasî, roşinvîrî, nuştoxî û avûkatê heqanê merdiman paştdayîşê muhîmî dayî xoverdayîşê ma. Hetê bînî ra Ewropa û hemê dinya de, hêzanê demokratîkan zext bi CPTyî kerd ke wezîfeyê xo yê teqîpkerdişê zîndanan, heqanê merdiman bîyaro ca. Vengdayîş bi Konseya Ewropayê û CPTyî ame kerdene ke vera tecrîdî tewirê xo nîşan bidê.
Dayîkê Leçegsipîyî bîyî îradê û wijdanê şarê Kurdî û bi mengan têkoşîn kerdû wijdanê heme merdimîye de tecrîd mehkûm kerd û her çiqas bi temamî nêbo zî şiknayîşê tecrîdî de rolêko gird kay kerd. Ganî bêro zanitene ke wedaritişê tecrîdê serê Rayber Apoyî û serrastkerdişê şert û mercanê cuye ci, seba ma û şarê Kurdî destpêk de, şarê Tirkîya û hêzanê demokrasî, hêzanê demokratan ê Rojakewtena Mîyanêne û dinya xeylî muhîm o. Nê esasî ser o berpirsîyarîye vileyê her kesî de ya.
Na rewşe de Rayber Apoyî avûkatanê xo reyde pêvînayîş viraşt. Dimayo ke wezîrê edaletî da zanayene ke qedexe ameyowedaritene, muhîmo ke no pêvînayîş ameyo viraştene. Nê pêvînayîşî de Rayber Apoyî ma û heme çalakgeranê grevê vêşanîye rê vengdayîş kerd û waşt ke ma çalakîya xo biqedênê. No semed ra ma sey tepişteyanê dewaya PKK û PAJKî çarçewaya vengdayîşê Rayber Apoyî de çalakîya xo ya grevê vêşanîye ya bêdem û bêagêrayîşî û rojeyê mergî qedênenê.
Ma silam û rêzanê xo pêşkêşê dayîkanê tepişteyan û dayîkanê aşitîye yê ke xoverdayîşê ma yê vera tecrîdî de paştdayîşêko gird dayo ma, kenê. Ma bi xoverdayîşê înan ê rûmetî sereberz bîyî. Ma soz danê ke ma do temamê cuya xo de cehd bidê ke layiqê înan bibê. Ma bi bihumertî destanê înan maçî kenê. Hewna; ma sîpasîya xo pêşkêşê şarê ma, şarê Tirkîya, hêzanê demokrasî, rêxistinanê heqanê merdiman, dezgehanê huqûqî û baroyan, rêxistinanê cimatî yê sîvîlan, heme dorê sîyasî û roşinvîr, hêzanê demokrasî yê her cayê dinya kenê ke paştdayîş dayo xoverdayîşê ma, kenê.
Ma rêz û girêdayîşê xo yê bi Rayber Apoyî reyêka bîne anê ziwan, ma danê zanayene ke ma do hem hetê ruh, beden û zîhnî ra û hem zî bi îradeyêkê xurtirî Rayberîye reyde têkoşînê xo dewam bikerê. Ma soz danê ke hertimî do serê xeta cuya û têkoşînî ya Rayber Apoyî de rayra şorê.”
26ê Gulane. AMED
