Çalakgerê greva birçîbûnê Nasir Yagiz li ser çalakiyên canbexşane axivî û wiha got: “Divê em rabin serhildanê û şoreşa Rêbertiya Azad û Kurdistana azad a demokratîk ragihînin ji cîhanê re.”
Ji bo rakirina tecrîda li ser Rêberê Gelê Kurd Abdullah Ocalan Nasir Yagiz 125 roj in li Nûnertiya HDP’ê ha Hewlêrê di greva birçîbûnê ya bêdem û bêdorveger de ye. Yagiz derbarê berxwedan li dijî tecîrda li ser Ocalanû çalakiyên canbexşane yên li zindan pêş dikeve peyamek weşan. Yagiz di beyama xwe de bang li gerkesî kir ku bêjin ‘Êdî bes e’.
Nasir Yagiz di peyama xwe de ev tişt anî ziman: “Wekî ku hûn dizanin, zindan qada berxwedana Rêbertiyê ye. Rêhevalê Rêbertiyê yên li zindanan li dijî faşîzmê çalakiyan li dar dixin û rêya gelê me ronî dikin. Gelê kurd ê ku bi berxwedanê hebûna xwe didomîne, bi çalakiyên xwe yên fedayî bi ayetên heqîqetê rûpelên dîrokê dadigirin. Em deyndarê wan in. Ev çalakiyên fedayî di heman demê de ji bo gelê kurd banga serhildana wijdanan e jî. Em ê heta kîngê li dijî şehadetên fedaiyan bêdeng bimînin! Divê êdî em ji xwe re bibêjin, ‘Êdî bes e’ divê em bi giyanê seferberiyê jiyanê bidin sekianandin! Vî agirê berxwedanê divê were geşkirin û ev serhildanake îradeyê ye. Vê pêvajoya fedayî ya ku me û civakê bi berxwedanê perwerde dike, firsendeke nûkirina berxwedana girseyî jî pêşkêşî me dike.” HEWLÊR
