Dimayê peyamê Rayberê Şarê Kurd Abdullah Ocalanî çalakgeranê grevê vêşanîye, çalakîyê xo qedênayî. Vizêrî zî çalakgere Fedîle Toke û Nasir Yagiz ê ke çalakîya xo qedênabî, ameyî berdene bi nêweşxane
Rayberê Şarê Kurd Abdullah Ocalanî seba çalakgeranê grevê vêşanîye û rojeyê mergî vatibi ke “Şima restê amancê xo, ez pawena ke çalakîya şima biqedîya.” Çalakîya endama Meclîsê Îştarî yê Mexmûrî Fadîle Toke roja 127ine de bîye, çalakîya Temsîlkarê HDPyî yê Hewlêrî Nasir Yagizî roja 187ine de bîye. Her di çalakgeran vizêrî çalakîya xo qedênaye.
Nika Toke û Yagiz nêweşxaneyê Zanko yê bajarê Hewlêrî de yenê tedawîkerdene. Her di çalakgerî zî bi mengan o çalakîya grevê vêşanîye de bîyî û rewşa weşîye ya înan baş nêbîye. No semed ra çalakgerî do qasê 24 saetan binê ewnîyayîşê doktoran de bimanê. Hetê bînî ra doktoran Fedîle Toke ra vat ke kezaba to îltîhab girewto û gûatirê to zî zêde bîyo.
Doktorî her 2 saetan de reyêk yenê rewşa Yagizî û Toke kontrol kenê. HEWLÊR
