Fermandariya Yekîneyên Berxwedana Şengalê (YBŞ) bi daxuyaniyek nivîskî ragihand ku şervanê wan yê bi navê Şervan Êzidxan di encama êrîşa artêşa Iraqê de li bajaroka Sinunê ya ser bi Şengalê şehîd bûye.
Daxuyaniya YBŞ’ê wiha ye:
“Rêheval Şervan Êzîdxan di destpêka fermanê ku 2014’an de li ser gelê me pêk hatî de tev lİ nava refên me bû. Ew êşa ku gelê me kişand bi çavên xwe ve şahîdî kiribû û ji bo pêşiya fermanê bigire biryara xwe ya tevlibûnê da. Ji destpêka fermanê heya niha çi erk û rol ketiye ser milê wî rêheval Şervan bêteredût pêk anî û her karê xwe bi awayekî serkeftî bi cih anî. Rêheval Şervan Êzîdxan ji bo xwe parastinê û ava kirina hêza cewherî rolekî pir girîng lîst. Ew her tim bi ked û coşa xwe di nav hevalên xwe de dihate nasîn û bi berpirsiyartiyek mezin rê nîşanê hevalên xwe dida. Ji roja tevlibûnê heya roja şehadetê ji bo parastina civaka me pêş de cih digirt. Dema şer qewimî jî ji bo xaka pîroz û gelê xwe biparêze heya dilopa xwîna xwe ya dawî li ber xwe da. Windahiya rêhevalê me ji bo me cihê xemgîniyek mezin bû. Em di serî de ji malbatê wî re sersaxî dixwazin û dibêjin ku ala şehîdan yê ku me dewr girtiye emê heya dawî bilind bikin.
Nasnameya hevrêyê me yê şehîd wiha ye:
Nav: Şervan Êzîdxan
Dîrok û Cihê ji dayîkbûnê: 03.03.1991/Sinunê
Dîroka Tevlibûnê: 2014 – Şengal
Dîrok û Cihê şehadetê: 02.05.2022 – Sinunê/Şengal“
