Yekgirtûya Îslamî û Tevgera Goran li bajarê Silêmaniyê civiyan. Di civîna her dû aliyan de behsa pêkanîna aştî li bakurê Kurdistan û Tirkiyeyê hat kirin. Herwiha hat gotin ku rolê aliyên siyasî yên Başûrê Kurdistanê ji bo pêkanîna aştiyê li Tirkiyeyê girînge. Herdû aliyan bang li hemû aliyan kirin daku ji bo li Tirkiyeyê aştî pêkwere rolê xwe bilîzin
Li gorî daxuyaniya ofîsa emîndarê giştî yê Yekgirtûya Îslamî, duh li bajarê Silêmaniyê, emîndarê giştî yê Yekgirtûya Îslamî Kurdistan Selahedîn Mihemed Behadîn, bi amadebûna endamên meclîsê pêşwaziya rêveberê giştî yê Tevgera Goran Emer Seîd Elî û endamên Goran kirine û her dû alî bi hevre civiyane. Li gorî daxuyaniyê civîn li ser peywendiyên her dû aliyan bûn.
Hewiha di beşek din a civînê de, behsa rewşa Iraq, Herêma Kurdistan, herêmên bi nakok û pêvajoya aştî a li Tirkiyeyê hatiye kirin. Herdû aliyan diyarkiriye ku divê aliyên siyasî yên başûrê Kurdistanê ji bo aştî li Tirkiyeyê pêkwere rolê xwe bilîzin.
Hêjayî gotinê ye Rêberê Gelê Kurd Abdulah Ocalan di hevdîtina dawî a bi birayê xwe re diyarkiribû ku divê her kes ji bo yekitiyê fedekariyê bike û wiha anîbû ziman; “Ji bo çareseriya pirsgirêka kurd em rol û erka xwe pêk tînin. Operasyona Pençe tê wateya şer. Tevger şer e. Ev mesele bi rijandina xwina mirovan çareser nabe. Em her dem ji bo aştiyê amade ne. Em ê her dem li dijî şer bin. Divê li şûna şer aştî hebe. Tirkiye bêyî herêma Federe ya Kurdistanê nikare bi ser bikeve. Bêyî herêma Federe ya Kurdistanê tevger wê pir zor be. Ev tevger wê darbeyekê li yekîtiya gelê kurd bixe. Divê her kes ji bo yekîtiya gelê kurd fedekarî bike û bixebite.” SILÊMANÎ
