Yekitiya Ewropayê bang li dewleta tirk kir ku dev ji xebatên sondajê yên ‘derveyî qanûnan’ a li peravên Qibrisê bigere û gef li Tirkiyê xwar û li ser bijdîne
Tirkiyeyê piştî keştiya sondajê ya Fatîhê, niha jî keştiya sondajê ya bi navê Yavûz şand peravên Qibrisê. Yekitiya Ewropayê (YE) jî nerazîbûn nîşanî şandina keştiyan a dewleta tirk da.
Rêveberên YE’yê li Brukselê li hev civiyan û helwesta Tirkiyeyê ya xebatên sondajê yên derveyî qanûnan şermezar kirin. Rêveberên YE’yê gotin; ‘Tirkiyeyê hê jî bersiv nedaye bangên YE ya rawestandina van xebatan.”
Nava hefteyê dewletên endam, Komîsyona Ewropa û Servîsa Têkiliyên Karê Derve ya Yekitiya Ewropayê (EEAS) ji Tirkiyeyê daxwaza ‘Beriya ku dem winda bikin vebijarkên têkildarî tevdîrên guncaw pêşkêş bike’ kiribûn.
Roja pênçşemê jî serokên 28 hikûmet û dewletên welatên endam piştgirî dabû vê daxwazê. Piştî civîna li Brukselê, serokê Komîsyona Ewropayê Jean-Claude Juncker daxuyaniyeke nivîskî da û got; “Em bi Qibrisê re di nava piştevaniyê de ne. Tiştên ku Tirkiyeye li peravên Qibrisê dike nayê qebûl kirin.”
Juncker wiha jî gotibû; “Di demek nêz de ji bo diyarkirina tevdîrên were girtin komîsyon erkdar e. Em ê vêya bikin û ev jî wê ne tevdirên sivîk be.” BRUKSEL
