Îro 35 sal bi ser komkujiya Enfalê ku di encamê de 182 hezar kurd hatibûn qetilkirin re, derbas dibe. Bi boneya rojê serokê YNK’ê Bafil Talebanî peyamek belavkir.
Peyam wiha ye:
“Enfal di dilê me de birînek mezin û ruhê me de jî êşek bê dawiye. Enfal dersek dîrokî ye û divê em ji bîr nekin. Ji bo komkujiyên mîna enfalê carek din dubare nebin, divê em yekitiya xwe pêşbixin û dersek dîrokî jê derbixin. Li Kurdistanê hebûna hêz, partî û rengên cûda asayiye, lê divê em weke kurd ji bîr nekin, qedera me yeke. Ji bo vê jî divê parastina Kurdistan û bextewariya gel di ser hertiştî re be.
Hikumeta başûrê Kurdistanê li beramberî malbatên kesên wan di Enfal û komkujiyê de xizmên xwe wendakirine, xemsar tevdigere.”
