Yemen de hêrişêkê fuzeyan de kampêke de tewr tay 70 leşkerê ke hetgirê hukmatî bîyî ameyî kiştene
Hêriş de camîyê kampa şaristanê Maaribî yê paytextê Sana ame hedefkerdene. Ame parekerdene ke hêriş de tewr tay 70 leşkerê ke hetgirê hukmatî bîyî ameyî kiştene.
Serekkomarê Yemenî Evd Rebbû Mensûr Hadî hêrişî ra Hûsîyê Şîa sey berpirsîyar dîyî û vat: “Hêrişêko namerd û terorîst o.”
Heta nika kesêkî hêriş nêgirewt xo milî. Televîzyonê El Arabîye yê Suûdî îdîa kerd ke wexto ke leşkeran camî de nimaj kerdêne hêriş ame kerdene.
Maarib binê kontrolê îtîfaqê leşkerî de yo ke Arabistana Suûdî rayberîya ci kena. No koalîsyon 2015 ra nata Husîyan reyde şer keno ke terefgîrê Îranî yê. Hûsîyan 2014 de rejîmê welatî rijna û herêma vakurî ya welatî kontrol kerde. Mîyanê na herême de Sana zî esta. Suûdijî û mutefîqê ci Hûsîyan reyde şer kenê û vera tesîrê Îranî vindenê. Nê şerî ra semed Yemen de krîzêko pîl ê merdimîye esto.
