Yewîya Avûkatan a Ewropa ya Semedê Demokrasî û Heqanê Merdiman (ELDH) derheqê heqê pêvînayîşê avûkatanê Rayberê Şarê Kurdî Abddullah Ocalanî de 20ê êlule (ewro) do Bruksel de saete 12:30 de kombîyayîşê çapemenîye yo online bikero.
ELDHyî semedê kombîyayîşê ke do bêro kerdene bi sernameyê ‘’Bi seyan avûkatî semedê pêvînayîşê Rayberê Kurdî Birêz Abdullah Ocalanî muracat kenê’’vilawekê vengdayîşî weşana. Eşkerayîye de ame vîrvistene ke 25ê adara 2021î ra nata Rayberê Şarê Kurdî Abdullah Ocalanî ra xeberêke nêameya girewtene û ame vatene ke vera nê heme dinya de avûkatî nêrazîbîyayîş mojnenê û rewşa Ocalanî sey Nelson Mandela hesibnenê. Eşkerayîye de ame vatene ke dinya ra nizdê 2000 hezar avûkatan semedê zîyaretê Îmraliyî muracatê Wezîrîya Edaletî ya Tirkî kerd ke Abdullah Ocalan û tepişteyanê bînan reyde pêvînayîş bikerê.
Kombîyayîşê çapemenîye yo online 20ê êlule (ewro) saete 12:00 de Bruksel de do serê zoomî ra bêro kerdene. Şima eşkenê kombîyayîşê çapemenîye linkê cêrînî ra teqîp bikerê:
https://us02web.zoom.us/j/84691691356?pwd=bkd2QVBsUFNLcHQwTFpBVWlaTTR5UT0
