Yewîya Hêzî ya Şorişgêre ya Dêrsimî merkezê Dêrsimî de buroyê xo yê weçînitişî akerde. Parlamenterê HDPyî yê Antalya Kemal Bulbulî akerdiş de ard ziwan ke Dêrsim ê şarê Dêrsimî yo û ê do şaredarî qeyûmî ra peyser bîgîrê.
Merkezê Dêrsimî de buroyê Yewîya Hêzî ya Şorişgêre ya Dêrsimî ame akerdene. Parlamenterê HDPyî yê Antalya Kemal Bulbul, rêxistina HDPyî ya bajarî, temsîlkarê Partîzan, EMEP, ESPyî û xeylî hemwelatijî tewrê akerdişî bîyî.
Akerdiş de namzedanê Dêrsimî Nurşat Yeşîle û Hidir Demîrî û muhîmîya weçînitişî ser qisey kerd û vat ke ma do hêzê xo yew bikerê, xoverdayîş gird bikerê û şaredarîya şarî ke ameya xespkerdene peyser bîgîrê.
Parlamenterê HDPyî yê Antalya Kemal Bulbulî zî vat ke xebatê weçînitişî hol şinê, şar zaf paşt dano namzedanê yewîya hêzî û nê parê kerdî: “Ma do şaredarî destê qeyîmî ra vejê û teslîmê şarî bikerê û heme destkewteyê şarî yê ke hetê qayûmî ra ameyî xespkerdene înan reyna bifîno dest. Ma bi xoverdayîşî do bêhuqûqîyê werte ra wedarê. Dêrsim ê şarê Dêrsîmî yo. Dêrsim ê Elewîyan, Kurdan, kedkaran, sosyalîstan, şorişêran, komînîstan û demokratanê sosyalan o. Ma pêro pîya binê nameyê Yewîya Hêzî ya Şorişgêre ya Dêrsimî de yew bi û sey HDP şaredarîya xo do peyser bîgîrê.” DÊRSIM
