Tepişteyê Zîndanê Amedî Halîl Guneşo ke lîsteya tepişteyanê nêweşan a Komeleya Heqê Merdiman (ÎHD) de bi û rixmê pêro vengdayîşan zî vera nêdîya serê sibayî dinyaya xo bedilnaye.
Guneş 2ê çeleyê 1993î de wexto ke 23 serre bi tepişîyabi û cezaya muebede dîyabî ci. Guneş nêweşê kanserî bi. Nêweşîyê ci îşkenceyê zîndanan ra sebeb bîyî giranêr. Seba ke parsûyê ci şikîyabî, zerrî û cigêrê ci ameybî eciqnayene nêeşkayêne nefes bigêro.
Serra 2007î de cigêrê ci de bi desan tîmorî vejîyabî û dima zî kanser bi. Serra 2009î de Guneş de nêweşîya KOAHî û Apneya hewnî zî vejîyayî. Doktoran dabi zanayene ke ganî Guneş heta peynîya emrê xo makîneya oksîjenî ra pabeste bibo. La seba ke o nêame dermankerdene yede nêweşîyê epîlepsî, glokom zî peyda bîyî.
Nêweşxaneyê Perwerde û Cigêrayîşî yê Amedî raporê ‘nêeşkeno zîndan de bimano’ da Guneşî la Dezgehê Tipê Edlî 2014 de raporê ‘eşkeno zîndan de bimano’ da Guneşî. 2014 de avûkatanê Guneşî muracatê Mehkemeya Mekaqanûnî kerd û waşt Guneş vera bidîyo.
Waya Gueşî 3ê teşrîna verêne ya 2020î de çalakîya roniştişî ya 445. ya Komîsyonê Tepişteyan ê ÎHDyî de vatbi “Birayê mi rê merg yeno ferzkerdene.” AMED
