Polisên yewnan 20 cîwanên ku piştgirî dabûn çalakiyên greva birçîbûnê û tecrîda li ser Ocalan şermezar kiribûn binçav kirin
Li qada navneteweyî piştgiriya ji bo çalakiyên grevên birçîbûnê yên ku ji bo rakirina tecrîda girankirî ya li ser Rêberê Gelê Kurd Abdullah Ocalan hatine destpêkirin zêde dibe. Duh li paytexta Yewnanistanê komeke cîwanên anarşîstên yewnan bi çalakiyekê piştgirî dabûn çalakiyên grevên birçîbûnê û tecrîda li ser Ocalan şermezar kiribûn.
Koma ku Tevgera Ciwanên Şoresger ên kurdî jî piştgirî dabûn wan li ber derê şîrketeke hevpar a tirk û yewnan çalakiya rûniştinê pêk anîbûn û pankartên li ser wan peyamên piştgiriya çalakiyê hatibûn nivîsandin bi bînaya şîrketê ve daleqandibûn.
Cîwanan di dawiya çalakiya xwe de daxuyaniyek dabûn û ji dewleta Yewnanistanê daxwaz kiribûn ku li dijî tecrîdê berbpirsyariyên xwe bi cih bîne û peyamên piştiriya çalakiyê dabûn. Li gorî agahiyên ku ji çapameniya Yewnenistanê hatin bidestxistin piştî çalakiyê 20 ciwan hatine binçavkirin. ATÎNA
