Fermandarîya Qerargehê Merkezî ya YJA-Starî bi eşkerayîyêke da zanayene ke Endama Komîteya Merkezî ya PKKyî, Endama Meclîsê PAJKî, Endama Konseya Fermandarîye ya HPG û YJA-Starî Leyla Sorxwîn (Hamîyet Yalçinkaya) Besta de pêkewtişan de şehîd bîya.
Eşkerayîye wina ya:
”Endama Komîteya Merkezî ya PKKyî, Endama Meclîsê PAJKî, Endama Konseya Fermandarîye ya HPG û YJA-Starî embaze Leyla Sorxwîn (Hamîyet Yalçinkaya) a ke Amed de keyeyêkê welatperwerî de dadîya xo ra bîya û 31 serrê xo dayê têkoşînî, 22 û 23yê çeleyê 2023yî de Besta de operasyonê dişmenî de pa 6 embazanê xo yê cinîyan bi qehremanî di rojan şer kerd û dima şehîd bîye. Ma sere de keyeyê aye yê ercîyayeyî rê şarê Amedî û pêro şarê ma rê serweşîye wazenê. Ma embaze Leyla Sorxwîn û pêro şehîdanê Besta bi rêz û minetî yad kenê. Ma soz danê ke şexsê embaze Leyla Sorxwîn û şehîdanê Besta de xeyalê Kurdistanê Azadî yê pêro şehîdan bîyarê ca.
Nasnameyê embaze Leyla Sorxwîn wina yo:
Nameyê Qodî: Leyla Sorxwîn
Name û Peyname: Hamîyet Yalçinkaya
Cayê Bîyayîşî: Amed
Maye-Pî: Gulê–Kadîr
Tarîx û Cayê Şehadetî: 23yê Çeleyê 2023yî / Besta
Embaze Leyla Amed de dadîya xo ra bena û hema ciwanîya xo de têgêrayîşê ma şinasnena. A 1993 de tewra partîya ma bena û waranê Amed, Botan, Zagros û Garê de têkoşînêkê xurtî kena. Embaze Leyla cuya xo ya têkoşînî de tima bena perwera Rayber Apoyî û paradîgmaya ci Embaze Leyla 31 serran de bena fermandaranê fedayîyan ê serkêşan ra yewe û pêro embazanê xo rê bena çimeyêkê bawerîye.
Embaze Leyla bi taybetî Botan de bena wayîra kedêka pîle. A sere de Hemleya 1ê Hezîrane Şerê Şarî yê Şorişgêrî de rolêkê dîyarkerî kay kena. Embaze Leyla îdareyê partîya ma de zî erkanê girîngan ana ca û tim kena ke xo aver bera.
Dima ke embaze Delal Amed 2017 de şehîd bîya embaze Leyla bi perwerîya aye û pêro şehîdan derbazê Botanî bena û Fermandarîya Botanî de cagêna. Embaze Leyla tim xeta PKK-PAJKî xo rê kena esas û bi pratîkê xo zî ney mojnena. Embaze Leyla xeta cinîya azade û cinîya milîtane zî bi xurtî ana ca. A embazanê xo perwerde kena û kena ke gerîlayan tim aver bera. Embaze Leyla xeylêk çalakîyanê serkewteyan de cagêna, bi qehremanî şina dişmenî ser. Tewr peyên Besta de embaze Leyla pa 6 embazan bi fedayîtî şina dişmenî ser, şer kena û derbe dana dişmenî û kontrayan ro. Embaze Leyla bi nê hawayî sey cinîyêka qehremane şehîd bena.” BEHDÎNAN
