Fermandarîya Qerargahê Merkezê YJA Starî şehîdê Amedî bi rêzdarî yad kerdî û nê vatî:
”Endama Konseya Fermandarîya HPG û YJA Starî û Fermandara Eyaletê Amedî embaza ma Axîne Mûş (Hulya Demirer) 17ê êlula 2023yî de Licê de pîya bi embazanê xo Rohat Pasûr (Cihat Ay), Egîd Berxwedan (Habib Karakoç) û Demhat Setkar (Çetin Temel) pêkewtiş de têkoşîno xurt da û tewrê kerwanê şehîdan bîye. Ma sey fermandarîya YJA Starî sere de keyeyanê şehîdanê xo, şaro fedakar û xoverdayox ê Serhed û Amedî û heme şarê xo yê welatperwerî rê sereweşîye wazenê. Ma şexsê embaze Axîne de şehîdanê xo reyna bi rêzdarî û minetî yad kenê û soz danê ke ma do têkoşînê înan bidê domnayene û qesasê înan bi caardişê serkewtişî bîgêrê.
Hemraya ma Axîne Kibris de yena dinya û tîya bena pîl la çirey welatê xo ra dûrî nêkewna. Seba ke sey kurdêke bênasname ameya verdayene hêrsê xo tim pêser kena. Coka seranê xo yê rewî ra Têgêrayîşê Azadîye nas kena ke raştîya xo bîvîna.Gama ke şina Îngîlîstan tîya nêzdî ra Rayberîye nas kena û binê tesîrê ci de menena. Dima ra 1997 de sey fermî tewrê partîye bena û wextêk Ewropa de xebate rayra bena. Sey cinîya xoverdayoxe ya Serhedî wazena verê xo bido koyan. Serra 2000î de xo resnena herra welatî û tewrê gerîlayan bena. Waştişê ci oyo ke wayîrê nasnameyê xo kurdî bivejîyo, sey cinîyî eslê xo de bêro têhet û qesasê komployê vera Rayberîye bîgêro.
Gama ke yena cade tewrê xebatanê Hêzên Taybetî bena û demê kilmî de bena fermandare. Hemraya ma Axîne prosesê hemleya 1ê Hezîrane de verê xo dana Botanî û Gabar de tecrubeyê xo yê verênî gena û Gabarî sey peynameyî şuxulnena. Bado ke tîya zaf tecrube kena pêser agêrena Herêmanê Pawitişî yê Medya. Tîya xebatan de ca gena û bena fermandarêka serkêş û xeylêk berpirsîyarîyan gena xo ser. Serra 2018î de sey fermandara eyaletê Amedî 2018 de verê xo dana Amedî û heta şehadetê xo berpirsîyarîyanê xo bi serkewtişî ana ca.
Ma sey Fermandarîya Qerargahê Merkezê YJA Starî hemrayanê xo Axîne Gabar Mûş, Rohat Pasûr, Demhat Setkar û Egîd Berxwedanî bi rêzdarî mînetî yad kenê û keyeyanê xo yê erjîyayeyan û şarê xo rê serweşîye wazenê. Ma do sey embazanê çekî yê şehîdanê xo dişmenî ra hesab bipersê û qesasê înan bîgêrê. Ma soz danê ma do xeyalanê înan bi serkewtişî tacîdar bikerê.” BEHDÎNAN
