Duh bi şev li Kerkûkê 6 teqînênmezin pêkhatin. Li ser vê yekê fraksiyona YNK’ê ya li parlamentoya Iraqê, sekreterê giştî yê YNK’ê Kosret Resul daxwaza lêpirsîn û başkirina rewşa Kerkûkê kirin
Duh bi şev li bajarê Kerkûkê 6 teqînên mezin pêkhatin. Aliyên siyasî û rêveberên Başûr êrîşan şermezar kirin û banga asayîkirina rewşa Kerkûkê kirin. Fraksiyona YNK’ê li ser êrîşê daxuyaniyek nivîskî belav kir û wiha got: “Em dibînin ku rewşa Kerkûkê metirsîdare û divê rewş bi piştgiriya hemû ew hêzên yasayî yên ku dema borî xwedî rolbûn asayî bibe. Di nava van hêzane de jî hêzên pêşmergeyên Kurdistanê yên ku xwedî ezmûnek mezinin di parastina rewşa ewlehî ya herêmê de hene.”
Fraksiyona YNK’ê bang li parlametnoya Iraqê kir û ev tişt ragihand: “Bila beriya cejna remezanê fermandariya giştî ya hêzên çekdarî ya Iraqê bihêle pêşmerge vegerin Kerkûkê û bihevre rê li hemû kiryarên terorîstî bê girtin.”
Herwiha sekreterê giştî yê YNK’ê Kosret Resul jî êrîş şeremzar kir û wiha got: “Erkê hikumeta Iraq û hemû dezgehên ewlekariyê yên Kerkûkê ewe ku di demek zû de sûcdarên vê bûyera terorîstî bibînin û li gorî qanûnê bên dadgeh kirin. Ev kiryarên bi vî awayî rê li ber jiyana hevbeş a navbera aliyan digre û ji bo ewlekariya bajêr dibe astengî. Ez bang li hemû aliyên siyasî dikim daku em hemû bi hevre ji bo parastina jiyana welatiyan û asayî kirina rewşa herêmê hewl bidin. Bi heman armancê ji bo asayî kirina Kerkûk û hemû navçeyên din yên Kurdistanê hewl bên dayîn.”SILÊMANÎ
