”Ma Roja Kobanê ya Dinya ya 1ê Teşrîna Peyêne sela kenê û şexsê embazanê ma Arîn Mîrkan, Rêwane, Gelhat, Paramaz, Herdeman û Serzorîyan de pêro şehîdan bi rêzî yad kenê.
9 serrî verî serkêşîya YPG û YPJyî de vera DAIŞî 134 rojan xoverdayîş ame kerdene û netîceya nê xoverdayîşî de DAIŞ ame binvistene. Merdimatîya ke bîya şahîdê nê xoverdayîşî hetê şerwananê rûmetî û azadîye de vera DAIŞî vinderte. Bi wayîrvejîyayîş û yewîya şarî Kobanê û merdimatîye ameyî xelisnayene. Kobanê DAIŞî rê bîye gor û Baxoz de kerraya nê gorî ronîyaye.
Ewro dewleta tirke ya îşxalkere û îqtîdarê AKP-MHPyî yo ke DAIŞî temsîl keno seba ke mîrasê merdimatîye Şorişê Rojawanî çin bikerê û DAIŞî gandar bikerê têgêrenê. Rixmo ke gefê DAIŞî nêqedîyayo hêrişê dewleta tirke teyna seba herêma ma ney seba pêro dinya gef ê. Hêzê mîyanneteweyîyî seba menfaetanê xo verê hêrişanê barbaran ê dewleta tirke de bêveng ê. Şaro ke 9 serrî verî seferber bibi ewro zî ganî seba wayîrvejîyayîşê Şorişê Rojawanî seferber bibo.
Sey hêzanê YPG û YPJyî ma bi wesîleya Roja Kobanê ya Dinya ancî şehîdanê xo yad kenê. Bi ruhê 1ê Teşrîna Peyêne ma do wayîrê Şorişê Rojawanî bibê. Seba ke wayîrê Şorişê Rojawanî bibo ganî şarê ma seferber bibo.”
