Merkezê Îrtîbat Çapemenîye yê Fermandarîya Pêroyî ya Yewîya Pawitişê Cinîyan (YPJ) derheqê îdîayê zûrî ê dewleta tirke ya dagirkere de eşkerayîyêk nuştekî da.
Eşkerayîye YPJyî de nê ameyî parekerdene: “Dewleta tirke hewş dana bi tehdît û zûran komelî biterna. Rîyê dewleta tirke ya dagirkere esasanê zûran ser de ameya awankerdiş, reyna xeberanê embazanê ma yê ke demê verênan de şehîd bîyî de vejîyaye raşte. Dewleta tirke seke na embaza ma nika şehîd bîya rayaumûmî reyde pare kena.”
Dewamê eşkerayîye de wina ame vatiş: “Dewleta tirke ya dagirker 22ê temmuze de serê rayîrê Qamişloyî de pê teyareyanê bêmerdimî hêrişê seyareyêk kerd û netîceyê hêrişî de fermandar Roj Xabure tewrê fermandar Jîyan Tolhildan û hemraya ma Barîn Botane şehîd bî û ma şehadetê nê embazan 23ê temmuze de şarê xo û rayaumûmî reyde pare kerdbî. Dewleta tirke ya zûrîker xeberanê seke nika hêriş kerdî û fermandar Roj Xabure newe şehîd bîya pare kena.
Dewleta tirke ya faşîst tenganêya xo, bêçaretî û zeyîfîya xo bi xeberanê winasîyan dîyar kena. Ganî şarê ma îtîbarê nê xeberanê zûran yê dewleta tirke nêkero û rîyê zûrîker yê dewleta tirke ya faşîst bivîno.”
Zanayîşê nasnameyê şehîdî wina yê:
Nameyê Qodî: Roj Xabur
Name û Peyname: Ciwana Heso
Nameyê Maye: Şems
Nameyê Pîyî: Hesen
Tarîx û Cayê Bîyayîşî: Dirbêsiyê, 1992
Tarîx û Cayê Şehadetî: Qamişlo, 22.07.2022.”
