Şervanên HSD’ê dawî hekîmiyeta çeteyên DAIŞ’ê yên li ser axa bakur û rojhilatê Sûriyeyê anîn. YPJ’ê ku li dijî DAIŞ’ê şerekî dijwar da, li gundê Baxozê ala dawî ya DAIŞ’ê xist û ala xwe çikand
Şervanên Hêzên Sûriyeya Demokratîk (HSD) gundê Baxoz ê Hecîn a Dêrazorê ku baregeha dawî ya di destê çeteyên DAIŞ’ê de bû, rizgar kir. Bi vî rizgarkirinê re jî li ser axa bakur û rojilatê Sûriyeyê hekîmiyeta çeteyên DAIŞ’ê bi dawî bû.
Derbarê mijarê de HSD’ê diyar kir ku operasyona bi navê Pêngava Bagera Cizîrê ku li gundê Baxozê yê Derazorê dabûn destpêkirin bi dawî bûye û DAIŞ bi temamî ji ser axê paqij kirine û destnîşan kir ku operasyona ku di 18’ê îlona 2018’an de dest pê kiribû îro bi dawî bû.
HSD’ê da zanîn ku di operasyonê de bi temamî 30 hezar endam û malbatên DAÎŞ’î teslîmî wan bûn.
Ji aliyê din ve şervanên Yekîtiya Parastina Jin (YPJ) ala dawî ya DAIŞ’ê xist xwar û li şûna wê ala xwe ya YPJ’ê çikand. Şervanên YPJ’ê diyar kirin ku ew vê serkeftinê wekî diyariya Newrozê diyarî hemû jinên cîhanê dikin û anîn ziman ku di serî de serkeftinê li jinên êzidî û hemû jinên cîhanê pîroz dikin û diyarî hemû jinên cîhanê dikin. DÊRAZOR
Nûçe: MA/Nazim Daştan
