Yekitiya Ragihandina Azad (YRA) li ser malpera xwe ragihand ku ew bi awayekî fermî tev li Yekitiya Navneteweyî ya Rojnamgeriyê ya Erebî bûye. Yekitiya Navneteweyî ya Rojnamegeriyê ya Erebî jî ku navenda wê Brîtanyayê ye û gelek sendîkayên rojnamegeriyê endamên wê ne, ragihand ku YRA wek endama daîm tev lê bûye.
Piştî şopandina mayînde ya zêdetirî 2 mehan endamtî hat erêkirin. Serokê yekitiyê Nasir El Selamonî got YRA’yê peymana protokola tevlibûnê îmze kir û dê çend rojên din were aktîfkirin. El Selamonî da zanîn ku dê hemû bawernameyên perwerdeyê yên YRA′yê werin erêkirin û dê li ser wan bawernameyan îmzeya yekitiyê û YRA′yê hebin. El Selamonî biryar da û navê endamê Desteya Rêveber a YRA′yê rojnamevan Hesen Zaza wek cîgirê wî li Sûriyeyê be û tê de wek nûnerê Yekitiya Navneteweyî ya Rojnamegeriya Erebî be.
Yekitiya Navneteweyî ya Rojnamegeriya Erebî ji Sendîkaya Rojnamevanên Kiwêtê, Saziya Rojnamevanên Lîbyayê, Saziya Rojnamevan û Rewşenbîrên Iraqê, Yekitiya Rewşenbîrên Ereb, Sendîkaya Rojnamegeriya Dozgeriyê li Morîtanyayê, Yekitiya Rojnamevan û Nûçegihanên Cezaîrê pêk tê.
Dê YRA têkildarî mijarê civîneke çapemeniyê demeke din li dar bixe.
