HDP’ê ji bo li Mûşê deng ji nûve bên jimartin serî li YSK’ê dabû, ancak îtîraza HDP’ê hat redkirin
Di hilbijartina 31’ê adarê de li navenda Mûşê li gorî encamên nefermî Îtîfaqa Cumhur 15 hezar 919 deng û HDP’ê jî 15 hezar û 381 deng wergirtibûn .2 hezar û 500 dengên hatin bikaranîn jî betal kirin. HDP’ê diyar kir ku bi piraniya dengên hatine betalkirin dengên wan bûne û ji bo deng ji nûve bên jimartin serî Lijneyên Hilbijartinê yên Navçe û Bajêr dabû. Her du lijneyan jî îtîraza HDP’ê red kiribû. Li ser vê yekê HDP’ê serî li Lijneya Hilbijartinê ya Bilind (YSK) dabû. YSK’ê îtîraza HDP’ê nirxand û biryara redkirinê da.
Namzetê HDP’ê yê Hevşaredariya Mûşê Sirri Sakik di hesabê xwe yê Twîtterê de bertek nîşanî redkirina serlêdana wan da û wiha got: “YSK’ê bi bayê bezê serlêdana me red kir. Tekane tişta ku bê kirin, mirov wan di wîjdanên wan de mehkûm bike. Wê ev gel we efû neke.” MÛŞ
