Îtîrazê HDPyî yo ke semedê newe ra hûmaritişê rayanê Mûşî amebi kerdene, hetê YSKyî ra ame redkerdene
Partîya Demokratîke ya Şaran (HDP) semedê newe ra hûmaritişê rayanê Mûşî muracato ke YSKyî rê kerdbi ame redkerdene.
Namzedê hemşaredarîya HDPyî yê Mûşî Sirri Sakikî hesabê xo yê medyaya sosyale ser ra reaksîyon da û va: “Heyetê Weçînayîşî yê Berzî (YSK) lezûbez bê ercnayîş qerar red kerd. Eke sole zî helhele bîya, çîyê ko mameno nînan wijdanan rê mehkumkerdiş o. No şar do şima ef mekero.” MÛŞ
