Kuçeyê Sanatî yê Amedî domanêko kagitî arê dayêne raştê hêrişê zabitayê qeyûmê Sûrî ame. Dîmenê hêrişê zabitayê qeyûmê îqtîdarî medayaya soyale de vila bîyî û vera nê hêrişî vengê nêrazîbîyayîşan bîyî berz.
Sey xeylêk bajaranê Kurdistanî şaredarîyanê Amedî de zî îradeyê şarî hetê îqtîdarê AKP-MHPyî ra ame xespkerdene û qeyûm ame cakerdene. Qeyûmo ke pê nanê şarî kay keno nika zî hêrişê domanan keno. Goreyê zanayîşanê ke medyaya sosyale de vîla bîyî keso kê hêrişê domanî keno nameyê ci Mehmet Şenyigit o ke mudirê zabitayanê qeyûmê Şaredarîya Sûrî Abdullah Çîftçî yo.
Medyaya sosyale de bi nameyê #DiyarbakırdaZabıtaTerörü (Amed de terorê zabita) kampanyayêke ameye destpêkerdene ke wa zabitayo hêrişkar bêro tepiştene û cazaya xo bianco.
Parlamenterê HDPyî Omer Faruk Gergerlîogluyî zî nê dîmenî pare kerdî û vat: ”Ez tîya lapata îqtîdarî ya ke erzîyenê şarê mexdûrî vînena ke wextê OHALî de çew/e nêeşkeno vera ci tiway vajo.” AMED
