Zarokên Efrînê yên ku koçberî Til Rifatê bûn hevalên xwe yên di komkujiya Til Rifatê de şehîd bûn bi bîr anîn. Di bîranî de zarokan gul danîn şûna hevalên xwe yên şehîd
Zarokên Efrînê yên koçberî navçeya Til Rifatê bûn îro li dibistana navçeya Til Rifatê kom bûn û hevalên xwe yên şehîd bi bîr anîn. Zarokan wêneyên hevalên xwe, gul û çîçek danîn cihê ku hevalên xwe yên ku bi êrîşên dagirkeriya tirk li Til Rifatê şehîd bûn.
Di bîranînê de mamosteyê dibistanê Evdil Hemîd axivî û wiha got: “Em êrîşên dewleta tirk a li ser gelê me şermezar dikin û sersaxiyê ji malbetên şehîdan dixwazin. Dijmin dibistanan topbaran dike. Ev hefteyek e her tim derdorê dibistanê dike hedefa xwe. Her roj li dibistanê tije zarok bûn û tim bi kêf û şahî bûn. Dijmin xwest vê şahiya li ser rûyê zarokan bikuje.”
Piştî axaftina mamosteyê dibistanê, zarokan weneyên hevalên xwe yên şehîd û gul danîn cihê hevalên xwe. Zarokan dirûşmên ‘Şehîd namirin’ û ‘Ey şehîd pênûsa we dê li erdê nemîne’ berz kirin. ŞEHBA
